ەلوردادا نۇرعيسا تىلەنديەۆ اتىنداعى مۋزىكا فەستيۆالى وتەدى

None
None
نۇر-سۇلتان. قازاقپارات - ك س ر و حالىق ءارتىسى، حالىق قاھارمانى، كومپوزيتور، ديريجەر، دومبىراشى، كۇيشى، حالقىمىزدىڭ ۇلى پەرزەنتى نۇرعيسا تىلەنديەۆ اتىنداعى «ءوز ەلىم» مۋزىكا فەستيۆالى بيىل التىنشى رەت وتكەلى وتىر، دەپ حابارلايدى قازاقپارات.

فەستيۆال 2008-جىلى سالتاناتتى تۇردە تۇڭعىش رەت شىمىلدىعىن ءتۇردى. جوبا اۆتورى - قازاقستاننىڭ ەڭبەك سىڭىرگەن قايراتكەرى، استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ باس ديرەكتورى جانە كوركەمدىك جەتەكشىسى ساكەن ءابدىراحمانوۆ.

نۇرعيسا تىلەنديەۆ كەيىنگى ۇرپاققا ومىرشەڭ تۋىندىلارىن، اسەرلى اندەرىن، سۇلۋ سازىن قالدىرىپ، ونەر تۇعىرىندا قىرانداي قانات قاعىپ، قالىقتاعان الىپ جۇرەك يەسى. ونىڭ ماڭگىلىك شىعارمالارىن دارىپتەۋ كۇللى قازاق جۇرتىنىڭ پارىزى.

ناعىز حاس تالانتتاردى ءبىر ارناعا توعىستىرعان بۇل فەستيۆالدىڭ نەگىزگى ماقساتى دا سول - ۇلى ەسىمدى ۇلىقتاۋ. ەكى جىلدا ءبىر رەت كلاسسيكالىق ۆوكال (ەرلەر جانە ايەلدەر)، دومبىرا، ديريجەرلەۋ نوميناتسيالارى بويىنشا وتەتىن فەستيۆالدىڭ مارتەبەسى جىل ساناپ ارتىپ كەلەدى.

وسى ۋاقىتقا دەيىن فەستيۆالگە ك س ر و حالىق ءارتيسى، مەملەكەتتىك سىيلىقتىڭ يەگەرى، سوتسياليستىك ەڭبەك ەرى، اكادەميك، پروفەسسور بيبىگۇل تولەگەنوۆا، قازاقستاننىڭ حالىق ارتيستەرى نۇرعالي ءنۇسىپجانوۆ، التىنبەك قورازبايەۆ، نۇرجامال ۇسەنبايەۆا، قازاقستاننىڭ ەڭبەك سىڭىرگەن قايراتكەرلەرى ايتقالى جايىموۆ، ازامات جىلتىركوزوۆ، تىلەۋعالي قىشقاشبايەۆ، ەرمۇرات ۇسەنوۆ، قىرعىزستاننىڭ حالىق ءارتيسى مۇراتبەك بەگاليەۆ سىندى ونەر الىپتارى قازىلىق جاساپ، حالىقتىڭ زور سەنىمىنە يە بولدى.

ونەر بايقاۋى 27- ناۋرىز بەن 1- ءساۋىر ارالىعىندا قاز ۇ و ۋ ورگان زالى، «استانا» كونسەرت زالى مەن قورعانىس مينيسترلىگىنىڭ كونسەرت زالىندا وتەدى.

سوڭعى جاڭالىقتار