ابدۋللا گۇل نۇرسۇلتان نازاربايەۆتى ناۋرىز مەيرامىمەن قۇتتىقتادى

نۇر-سۇلتان. قازاقپارات - ەلباسى نۇرسۇلتان نازاربايەۆ تۇركيا رەسپۋبليكاسىنىڭ بۇرىنعى پرەزيدەنتى ابدۋللا گۇلمەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

اڭگىمەلەسۋ بارىسىندا ابدۋللا گۇل نۇرسۇلتان نازاربايەۆتىڭ الەمدىك دەڭگەيدەگى بەدەلدى ساياساتكەر ءارى تاۋەلسىز قازاقستاننىڭ ەگەمەندىگىن بەكەمدەپ، ايماقتاعى كوشباسشى ەل رەتىندە قالىپتاسۋىنا ولشەۋسىز ۇلەس قوسقان مەملەكەت قايراتكەرى ەكەندىگىن اتاپ ءوتتى.

ا. گۇل ەلباسىنا زور دەنساۋلىق جانە الداعى قىزمەتىنە تابىس تىلەدى.

ن. نازاربايەۆ پەن ا. گۇل ءبىر-ءبىرىن ناۋرىز مەيرامىمەن قۇتتىقتادى.

تەلەفون ارقىلى سويلەسۋگە تۇرىك جاعى باستاماشى بولدى.