استانا اتاۋى وزگەرۋىنە بايلانىستى قولدانىستاعى قۇجاتتار دا اۋىستىرىلا ما
بۇل جايىندا ق ر ادىلەت مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.
«ق ر پرەزيدەنتىنىڭ 2019 -جىلعى 23 - ناۋرىزدا قازاقستان رەسپۋبليكاسىنىڭ استاناسى - استانا قالاسىن قازاقستان رەسپۋبليكاسىنىڭ استاناسى - نۇر- سۇلتان قالاسى دەپ قايتا اتاۋ تۋرالى جارلىققا قول قويۋىنا بايلانىستى ادىلەت مينيسترلىگى مىنالاردى تۇسىندىرەدى. ەلوردا اتاۋىنىڭ وزگەرۋى ازاماتتارعا ساتىپ الۋ- ساتۋ، سىيعا تارتۋ، اۋىستىرۋ، پايدالانۋعا قابىلداۋ سىندى جىلجىمايتىن مۇلىكتىڭ قۇقىن بەلگىلەيتىن قۇجاتتاردى، سونىمەن قاتار تۋۋ تۋرالى، ولگەنى تۋرالى، نەكە قيۋ/بۇزۋ تۋرالى ازاماتتىق حال- اقۋال اكتىلەرىن تىركەۋ قۇجاتتارىن اۋىستىرۋ مىندەتىن جۇكتەمەيدى. اتالعان قۇجاتتاردا ەلوردانىڭ بۇرىنعى اتاۋىنىڭ جازىلۋى ولاردى جارامسىز قىلمايدى»، - دەپ اتاپ وتەدى مينيسترلىكتەن.
سونىمەن قاتار ۆەدومستۆو ادىلەت مينيسترلىگىنىڭ اقپاراتتىق جۇيەلەرىندە ەلدى مەكەننىڭ اتاۋى استانا قالاسىنان نۇر- سۇلتان قالاسىنا اۆتوماتتى تۇردە اۋىساتىندىعىن اتاپ وتكەن.
اۆتور: مارلان جيەمباي