باقىتجان ساعىنتايەۆ ق ر پرەزيدەنتى اكىمشىلىگىنىڭ باسشىسى بولدى

نۇر- سۇلتان. قازاقپارات - ق ر پرەزيدەنتىنىڭ جارلىعىمەن باقىتجان ساعىنتايەۆ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىنە تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

سونداي- اق، باقىتجان ءابدىر ۇلى ساعىنتايەۆ قازاقستان رەسپۋبليكاسىنىڭ مەملەكەتتىك حاتشىسى قىزمەتىنەن بوساتىلدى.

باقىتجان ءابدىر ۇلى ساعىنتايەۆ  1963 -جىلى 13- قازاندا جامبىل وبلىسى تالاس اۋدانى ءۇشارال اۋىلىندا تۋعان.

س. كيروۆ اتىنداعى قازاق مەملەكەتتىك ۋنيۆەرسيتەتىن ءبىتىردى، ەكونوميكا عىلىمدارىنىڭ كانديداتى.

ەڭبەك جولىن الماتى حالىق شارۋاشىلىعى ينستيتۋتىنىڭ ساياسي ەكونوميكا كافەدراسىنىڭ وقىتۋشىسى بولىپ باستادى.

1988-1992 -جىلدار ارالىعىندا س. كيروۆ اتىنداعى قازاق مەملەكەتتىك ۋنيۆەرسيتەتىندە جۇمىس ىستەدى، اسسيستەنت لاۋازىمىنان الەۋمەتتانۋ كافەدراسىنىڭ دوتسەنتىنە دەيىنگى ەڭبەك جولىنان ءوتتى.

1992 -جىلدان 1998 -جىلعا دەيىن كاسىپكەرلىك قىزمەتپەن اينالىستى.

1998 -جىلى جامبىل وبلىسى اكىمىنىڭ ورىنباسارى بولىپ تاعايىندالدى.

1999 - جىلدان 2002 - جىلعا دەيىن قازاقستان رەسپۋبليكاسىنىڭ شاعىن بيزنەستى قولداۋ جونىندەگى اگەنتتىگى ءتوراعاسىنىڭ ورىنباسارى، «شاعىن كاسىپكەرلىكتى دامىتۋ قورى» ج ا ق باسقارماسىنىڭ ءتوراعاسى، قازاقستان رەسپۋبليكاسىنىڭ تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ جونىندەگى اگەنتتىگى ءتوراعاسىنىڭ ورىنباسارى لاۋازىمدارىندا قىزمەت ەتتى.

2002 -جىلدان 2004 -جىلعا دەيىن قازاقستان رەسپۋبليكاسىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى اگەنتتىگى ءتوراعاسىنىڭ ءبىرىنشى ورىنباسارى بولىپ جۇمىس ىستەدى.

2004 -جىلدان 2007 -جىلعا دەيىن - قازاقستان رەسپۋبليكاسىنىڭ تابيعي مونوپوليالاردى رەتتەۋ جونىندەگى اگەنتتىگىنىڭ ءتوراعاسى بولدى.

2007 -جىلدان 2008 -جىلعا دەيىن قازاقستان رەسپۋبليكاسى پرەمەر- ءمينيسترى كەڭسەسىنىڭ باسشىسى بولدى.

2008 -جىلعى 30 - قىركۇيەكتە پاۆلودار وبلىسىنىڭ اكىمى بولىپ تاعايىندالدى.

2012 -جىلدىڭ 20 - قاڭتارىندا - قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى بولىپ تاعايىندالدى.

2012 -جىلدىڭ 24 - قىركۇيەگىنەن باستاپ - «نۇر- وتان» ح د پ ءتوراعاسىنىڭ ءبىرىنشى ورىنباسارى بولىپ قىزمەت ەتتى.

2013 -جىلدىڭ 16 - قاڭتارىندا مەملەكەت باسشىسىنىڭ جارلىعىمەن ق ر پرەمەر- ءمينيسترىنىڭ ءبىرىنشى ورىنباسارى - وڭىرلىك دامۋ ءمينيسترى لاۋازىمىندا قىزمەت ەتتى

2016 -جىلعى 9 - قىركۇيەكتە مەملەكەت باسشىسىنىڭ جارلىعىمەن ق ر پرەمەر- ءمينيسترى بولىپ تاعايىندالدى.

 سوڭعى تاعايىندالۋعا شەيىن 2019 - جىلدىڭ 1 - ناۋرىزىنان ق ر مەملەكەتتىك حاتشىسى قىزمەتىن اتقاردى.

«قۇرمەت» وردەنىمەن جانە مەرەيتويلىق مەدالدارمەن ماراپاتتالعان.

تابيعي مونوپوليالار سالاسىن مەملەكەتتىك رەتتەۋ، شاعىن جانە ورتا بيزنەستى دامىتۋ تاقىرىپتارىنا ارنالعان ءبىرقاتار عىلىمي جۇمىستىڭ اۆتورى.