استانالىق بالالار «مۇزبالاق» فيلمىن تەگىن كورە الادى

None
None
نۇر- سۇلتان. قازاقپارات - ارىستانبەك مۇحامەدي ۇلى ەلوردالىق بالالاردى «مۇزبالاق» انيماتسيالىق فيلمىن تەگىن كورۋگە شاقىردى، دەپ حابارلايدى قازاقپارات ءتىلشىسى.

«بارلىق بالالاردى ەرتەڭ، 24 - ناۋرىز كۇنى، QAZAQSTAN ورتالىق كونسەرت زالىندا بولاتىن «مۇزبالاق» انيماتسيالىق فيلمىن تەگىن كورۋگە شاقىرامىز. ورىس تىلىندەگى سەانس ساعات 15:00، قازاق تىلىندە ساعات 17:00-دە بولادى»، - دەپ جازدى مينيستر فەيسبۋكتە.

بۇعان دەيىن مادەنيەت جانە سپورت ءمينيسترى ناۋرىز ءبىرىنشى كەزەكتە ءبىزدىڭ بۇلدىرشىندەر مەن جاسوسپىرىمدەرگە ارنالۋ كەرەكتىگىن جازعان بولاتىن.

«وتاندىق انيماتسيالىق شىعارمالاردىڭ ىشىندەگى ۇزدىگى سانالاتىن مۋلتفيلمدى 22 - ناۋرىز كۇنى كوپبالالى جانە الەۋمەتتىك از قامتىلعان وتباسىلاردىڭ، بالالار ءۇيىنىڭ تاربيەلەنۋشىلەرى جانە مۇمكىندىگى شەكتەۋلى 800-دەن استام بالا تاماشالادى. كونە قازاق مادەنيەتىندەگى قۇسپەن اڭ اۋلاۋ ءداستۇرىن سۋرەتتەيتىن «مۇزبالاق» فيلمى بالالارعا ەرەكشە اسەر ەتتى. وسى جولى ءبىز بالالار ءۇيىنىڭ تاربيەلەنۋشىلەرىن، مۇمكىندىگى شەكتەۋلى، كوپبالالى جانە الەۋمەتتىك از قامتىلعان وتباسىلاردان شىققان 2500 بالانى شاقىردىق. QAZAQSTAN كونسەرت زالىنا 3000 ادام سيادى، ورىن بارشاڭىزعا جەتەدى، كەلىڭىزدەر! قۋانا قارسى الامىز!»، - دەيدى ارىستانبەك مۇحامەدي ۇلى.

 بۇعان دەيىن مادەنيەت جانە سپورت ءمينيسترى ناۋرىز ءبىرىنشى كەزەكتە بۇلدىرشىندەر مەن جاسوسپىرىمدەرگە ارنالۋى كەرەكتىگىن جازعان بولاتىن.

اۆتور: مارلان جيەمباي

سوڭعى جاڭالىقتار