ەلوردا اتاۋىن وزگەرتۋ قازاقستان كونستيتۋتسياسىنا قايشى ەمەس
بۇل تۋرالى ق ر زاڭناما ينستيتۋتى كونستيتۋتسيالىق، اكىمشىلىك زاڭناما جانە مەملەكەتتىك باسقارۋ ءبولىمىنىڭ باستىعى، زاڭ عىلىمىنىڭ كانديداتى باعدات نۇرعازينوۆ فەيسبۋكتەگى پاراقشاسىندا جازدى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى كونوستيتۋتسياسىنىڭ 2-بابى - تارماعىنا سايكەس قازاقستاننىڭ ەلورداسى استانا قالاسى سانالادى. سول سەبەپتىەلوردانىڭ اتاۋىن وزگەرتۋ كونستيتۋتسياعا تۇزەتۋلەر ەنگىزۋدى تالاپ ەتەدى. 91-باپتىڭ 1-تارماعىنا سايكەس قازاقستان رەسپۋبليكاسىنىڭ كونستيتۋتسياسىنا وزگەرتۋلەر مەن تولىقتىرۋلار. رەسپۋبليكا پرەزيدەنتىنىڭ ءوز باستاماسىمەن، پارلامەنتتىڭ نەمەسە ۇكىمەتتىڭ ۇسىنىسىمەن قابىلدانعان شەشىمى بويىنشا وتكىزىلەتىن رەسپۋبليكالىق رەفەرەندۋم ارقىلى ەنگىزىلۋى مۇمكىن. ەگەر پرەزيدەنت ونى پارلامەنتتىڭ قاراۋىنا بەرۋ قاجەت دەپ ۇيعارسا، كونستيتۋتسياعا ەنگىزىلەتىن وزگەرتۋلەر مەن تولىقتىرۋلار جوباسى رەسپۋبليكالىق رەفەرەندۋمعا شىعارىلمايدى. مۇنداي جاعدايدا پارلامەنتتىڭ شەشىمى كونستيتۋتسيادا بەلگىلەنگەن تارتىپپەن قابىلدانادى»، - دەپ جازادى ول.
ونىڭ اتاپ وتۋىنشە، بۇل نورما كونستيتۋتسياعا تۇزەتۋ ەنگىزۋ تۋرالى باستامانى پرەزيدەنت، پارلامەنت نەمەسە ۇكىمەت كوتەرە الاتىندىعىن بىلدىرەدى.
«دەگەنمەن، بۇل رەتتە قاسىم-جومارت كەمەل ۇلى توقايەۆتىڭ ەلوردا اتاۋىن وزگەرتۋ تۋرالى ۇسىنىسىن كونستيتۋتسيالىق باستاما ەمەس. بۇل ورايدا ونىڭ ءسوز سويلەۋىن تۇڭعىش پرەزيدەنتتىڭ تاۋەلسىز قازاقستاندى قۇرۋداعى جانە ونىڭ جاڭا استاناسىن سالۋداعى ۇلەسىنە قۇرمەت كورسەتە وتىرىپ، كونستيتۋتسيانىڭ 2-بابىن وزگەرتۋ تۋرالى ماسەلەسى قاراۋ قاجەتتىگى جونىندەگى ۇسىنىس رەتىندە قاراستىرۋعا بولادى. اتالعان ۇسىنىس پرەزيدەنتتى ۇلىقتاۋ پروتسەسىندە جاريا ەتىلدى جانە سالتاناتتىق سيپاتقا يك بولدى. وسى جاعدايدا اتالعان ۇسىنىستى تەك قانا بولدادى. ءبىراق، سول ساتتە كونستيتۋتسياعا وزگەرتۋلەرگە داۋىس بەرگەن جوق. بۇل ورايدا ۇكىمەت كونستيتۋتسيالىق باستاما جاسادى جانە پرەزيدەنت قاراۋىنا رەفەرەندۋم وتكىزۋ تۋرالى ماسەلەنى ەنگىزدى»، - دەدى ب. نۇرعازينوۆ.
ءبولىم باسشىسىنىڭ اتاپ وتۋىنشە، بۇل ورايدا پرەزيدەنتتىڭ زاڭ جوباسىن رەسپۋبليكالىق رەفەرەندۋمعا نەمەسە پارلامەنت قاراۋىنا ەنگىزۋگە باسىم قۇقىعى بار. دەمەك، بۇل ماسەلەنى مىندەتتى تۇردە رەسپۋبليكالىق رەفەرەندۋمعا شىعارۋدى كونستيتۋتسيا تالاپ ەتپەيدى.
91-باپتىڭ 3-تارماعىنا سايكەس رەسپۋبليكا كونستيتۋتسياسىنا ەنگىزىلەتىن وزگەرىستەر مەن تولىقتىرۋلار، ولاردىڭ وسى باپتىڭ 2-تارماعىندا بەلگىلەنگەن تالاپتارعا سايكەس كەلەتىنى تۋرالى كونستيتۋتسيالىق كەڭەستىڭ قورىتىندىسى بولعان جاعدايدا، رەسپۋبليكالىق رەفەرەندۋمعا نەمەسە رەسپۋبليكا پارلامەنتىنىڭ قاراۋىنا شىعارىلادى.
ال 91-باپتىڭ 2-تارماعى كونستيتۋتسيادا بەلگىلەنگەن مەملەكەتتىڭ تاۋەلسىزدىگى، رەسپۋبليكانىڭ بىرتۇتاستىعى مەن اۋماقتىق تۇتاستىعى، ونى باسقارۋ نىسانى، سونداي-اق تاۋەلسىز قازاقستاننىڭ نەگىزىن سالۋشى، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينتسيپتەرى جانە قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مارتەبەسى وزگەرمەيىندىگى كورسەتىلگەن.
«ەلوردا اتاۋىن وزگەرتۋ اتالعان ماسەلەلەرگە قاتىسى بولاعاندىقتان كونستيتۋتسيالىق كەڭەس كونستيتۋتسياعا ەنگىزىلەتىن تۇزەتۋلەردىڭ سايكەستىگۋ تۋرالى قورىتىندى بەردى. سونىمەن قاتار كونستيتۋتسيالىق باستاما ءوزىنىڭ پروتسەدۋرالارى بار دەربەس ينستيتۋت ەكەندىگىن جانە مەملەكەت باسشىسىنىڭ وزگە دە وكىلەتتىكتەرىمەن بىرىكتىرىلمەيتىندىگىن اتاپ وتكەن ءجون. جوعارىدا ايتىلعانداردىڭ نەگىزىندە كونستيتۋتسيالىق پروتسەدۋرا بۇزىلعان جوق»، - دەدى ب. نۇرعازينوۆ.