00:06, 24 - ناۋرىز 2019 | GMT +6
نۇر-سۇلتان قالاسى دامۋىنىڭ جاڭا كەزەڭى باستالدى - ماۋلەن اشىمبايەۆ
نۇر-سۇلتان. قازاقپارات - «Nur Otan» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ ەلوردامىزدىڭ نۇر-سۇلتان دەپ اتالۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«ەل پرەزيدەنتى ق. توقايەۆ «قازاقستان رەسپۋبليكاسىنىڭ كونستيتۋتسياسىنا وزگەرتۋلەر ەنگىزۋ تۋرالى» زاڭعا جانە ەلوردا اتاۋىن نۇر- سۇلتان دەپ وزگەرتۋ تۋرالى جارلىققا قول قويدى. وسىناۋ تاريحي شەشىم ءبىزدىڭ جاس ەلوردامىزدىڭ دامۋىنىڭ جاڭا كەزەڭىن اشادى. ەلىمىزدىڭ باس قالاسىندا تابىستار مەن ودان ارى گۇلدەنۋ تىلەيمىز»، - دەپ جازدى ماۋلەن اشىمبايەۆ فەيسبۋكتەگى پاراقشاسىندا.
ايتا كەتەيىك، 23 -ناۋرىزدا مەملەكەت باسشىسى قاسىم-جومارت توقايەۆ قازاقستان رەسپۋبليكاسىنىڭ استاناسى - استانا قالاسىن قازاقستان رەسپۋبليكاسىنىڭ استاناسى - نۇر-سۇلتان قالاسى دەپ قايتا اتاۋ تۋرالى جارلىققا قول قويدى.