ادىلەت مينيسترلىگى استانانىڭ اتاۋىن وزگەرتۋگە قاتىستى تۇسىنىكتەمە بەردى

نۇر- سۇلتان. قازاقپارات - ادىلەت مينيسترلىگى كونستيتۋتسياعا وزگەرىستەر ەنگىزۋ جانە استانانى قايتا اتاۋ تۋرالى پرەزيدەنتتىڭ جارلىعىنا قاتىستى تۇسىنىكتەمە بەردى، دەپ حابارلايدى قازاقپارات مينيسترلىكتىڭ رەسمي سايتىنا سىلتەمە جاساپ.

23 -ناۋرىزدا ق ر پرەزيدەنتى قاسىم-جومارت توقايەۆ كونستيتۋتسياعا وزگەرىستەر ەنگىزۋ تۋرالى زاڭعا قول قويدى. سونداي-اق پرەزيدەنت استانانى قايتا اتاۋ تۋرالى ءتيىستى جارلىققا قول قويدى.

مارات بەكەتايەۆ ەلوردانى قايتا اتاۋ تۋرالى كونستيتۋتسياعا تۇزەتۋلەر تولىقتاي ق ر كونستيتۋتسياسى مەن زاڭدارىنا سايكەس ەنگىزىلگەنىن تاعى دا اتاپ ءوتتى. ادىلەت ءمينيسترى وسى پروتسەدۋرانىڭ زاڭدىق قىرلارى تۋرالى ايتىپ بەردى.

ادىلەت مينيسترلىگى كونستيتۋتسيانىڭ 91-بابىندا كوزدەلگەندەي، استانانى قايتا اتاۋ ءۇشىن رەفەرەندۋم وتكىزۋ تۋرالى ماسەلەنى پرەزيدەنتتىڭ قاراۋىنا ەنگىزۋ ءۇشىن جارلىق جوباسىن ازىرلەدى. بۇل ۇسىنىستى ۇكىمەت قاۋلى تۇرىندە قاسىم- جومارت توقايەۆقا جىبەردى. زاڭ بويىنشا، مۇنداي جاعدايدا پرەزيدەنت نە ونىڭ وكىلەتتىگىن وزىنە قابىلداعان تۇلعا ءۇش شەشىمنىڭ ءبىرىن قابىلداۋى ءتيىس:

1) ماسەلەنى پارلامەنتتىڭ قاراۋىنا بەرۋگە،

2) سۇراقتى رەسپۋبليكالىق رەفەرەندۋمعا شىعارۋعا،

3) كونستيتۋتسياعا تۇزەتۋلەر ەنگىزۋ تۋرالى ۇسىنىستى قابىلداماۋعا.

پرەزيدەنت ءبىرىنشى جولدى تاڭداپ، ماسەلەنى پارلامەنتتىڭ قاراۋىنا بەردى. جوعارى زاڭ شىعارۋشى ورگان ءوز كەزەگىندە پالاتالاردىڭ بىرلەسكەن وتىرىسىندا كونستيتۋتسياعا تۇزەتۋلەر ەنگىزۋ تۋرالى زاڭ قابىلدادى. ايتا كەتۋ كەرەك، پارلامەنت ونى كونستيتۋتسيانىڭ 91-بابى 2-تارماعىنىڭ تالاپتارىنا سايكەستىگى تۋرالى كونستيتۋتسيالىق كەڭەستىڭ وڭ قورىتىندىسى بولعان جاعدايدا قابىلداي الادى.

بۇدان ءارى زاڭ پارلامەنت پالاتالارى سپيكەرلەرىنىڭ جانە پرەمەر-ءمينيستردىڭ قولدارىمەن بەكىتىلەدى جانە پرەزيدەنتكە قول قويۋعا جىبەرىلەدى. قول قويىلعان ساتتەن باستاپ كونستيتۋتسياعا وزگەرىستەر ەنگىزۋ تۋرالى زاڭ كۇشىنە ەندى.

ادىلەت ءمينيسترى "قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى" زاڭعا سايكەس استانانى قايتا اتاۋ ءۇشىن قاجەتتى جۇمىس جۇرگىزىلگەنىن، سونىڭ ناتيجەسىندە پرەزيدەنت استانانى قايتا اتاۋ تۋرالى جارلىققا قول قويعانىن اتاپ ءوتتى.

بەلگىلەنگەن راسىمگە سايكەس ۇكىمەت پرەزيدەنتكە وبلىستارعا، اۋداندارعا، قالالارعا اتاۋ بەرۋ جانە ولاردى قايتا اتاۋ جونىندە ۇسىنىستار ەنگىزەدى. بۇل رەسپۋبليكالىق ونوماستيكا كوميسسياسىنىڭ قورىتىندىسى نەگىزىندە جانە ءتيىستى اۋماق حالقىنىڭ، ونىڭ جەرگىلىكتى وكىلدى جانە اتقارۋشى ورگاندارىنىڭ پىكىرىن ەسكەرە وتىرىپ جۇرگىزىلەدى.

ول ءۇشىن ءماسليحاتتىڭ تۇراقتى كوميسسيالارىندا جاريا تىڭداۋلار وتكىزۋ جولىمەن ءتيىستى اۋماق حالقىنىڭ پىكىرى ەسكەرىلەدى، ولاردىڭ قورىتىندىلارى بويىنشا حاتتاما رەسىمدەلەدى. بۇل جاعدايدا تىڭداۋلار 20 ناۋرىزدا ءوتتى جانە ءتيىستى حاتتاما astana.gov.kz سايتىندا ورنالاستىرىلعان. تىڭداۋلار مەن حاتتاما نەگىزىندە قالالىق ءماسليحات پەن اكىمدىك رەسپۋبليكالىق ونوماستيكالىق كوميسسياعا ءتيىستى ۇسىنىس ەنگىزدى. كوميسسيانىڭ قالانى قايتا اتاۋ تۋرالى وڭ قورىتىندىسى 20 -ناۋرىزدا الىندى.

ادىلەت ءمينيسترى قىسقا مەرزىمگە قاراماستان، بارلىق راسىمدەر قولدانىستاعى زاڭناماعا قاتاڭ سايكەستىكتە جۇرگىزىلگەنىن تاعى دا اتاپ ءوتتى. مارات بەكەتايەۆ ەلورداعا ەلباسى - نۇر-سۇلتان ەسىمىن بەرۋ تۋرالى شەشىم قازاقستان تاريحىنداعى ماڭىزدى وقيعا بولىپ تابىلاتىنىن اتاپ ءوتتى.