قاراقۇيرىقتاردى اتىپ العان ەكى قىزىلوردالىق باس بوستاندىعىنان ايىرىلدى
قىلمىس قىزىلوردا وبلىسىنىڭ قازالى اۋدانى اۋماعىندا جاسالعان. سول اۋداننىڭ 44 جانە 46 جاستاعى تۇرعىندارى اڭشى مىلتىعىمەن ەكى قاراقۇيرىقتى زاڭسىز اتىپ العان. جەرگىلىكتى پوليتسيا قىزمەتكەرلەرى ولاردى قاراقۇيرىقتاردى ۇيلەرىندە بولشەكتەپ جاتقان جەرىندە قولعا ءتۇسىردى.
ولاردىڭ مەملەكەتكە زالالى 8 ميلليون تەڭگە كولەمىندە باعالاندى.
«زاڭسىز اڭشىلىق جاساعاندار پوليتسيا قىزمەتكەرلەرى مەن «وحوتزووپروم» ماماندارىنىڭ بىرلەسكەن جەدەل- ىزدەستىرۋ جۇمىستارى بارىسىندا قولعا ءتۇستى. ولاردىڭ ءىس- ارەكەتى قازاقستان رەسپۋبليكاسى قىلمىستىق كودەكسىنىڭ 337-بابىنىڭ 4-بولىگىنىڭ 2, 4-تارماقتارىمەن سارالانىپ، قىلمىستىق ءىس قىلمىستىق- پروتسەستىك كودەكسىنىڭ 300-بابىنىڭ سايكەس ايىپتاۋ اكىسىمەن سوتقا جولداندى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
سوت ۇكىمى بويىنشا زاڭسىز اڭشىلىقپەن اينالىسقان تۇرعىندارعا باس بوستاندىعىن شەكتەۋ جازاسى تاعايىندالدى. سونداي-اق مەملەكەتكە كەلتىرىلگەن شىعىندى زاڭمەن بەلگىلەنگەن تارتىپپەن وتەۋ مىندەتتەلدى.