قازاقستان مەن گرۋزيا اراسىنداعى قارىم- قاتىناستار نىعايا بەرەدى - قاسىم- جومارت توقايەۆ

استانا. قازاقپارات - مەملەكەت باسشىسى گرۋزيانىڭ پرەمەر- ءمينيسترى مامۋكا باحتادزەمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

مامۋكا باحتادزە قاسىم- جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن قۇتتىقتاپ، قازاقستاندى ودان ءارى وركەندەتۋ جولىندا تابىس جانە زور جەتىستىك تىلەدى.

قاسىم- جومارت توقايەۆ قۇتتىقتاعانى ءۇشىن مامۋكا باحتادزەگە ريزاشىلىق ايتىپ، قازاقستان مەن گرۋزيا اراسىنداعى قارىم- قاتىناستار ەكى ەل حالقىنىڭ يگىلىگى ءۇشىن ودان ءارى نىعايا تۇسەتىنىنە سەنىم ءبىلدىردى.

تەلەفون ارقىلى سويلەسۋگە گرۋزيا جاعى باستاماشى بولدى.