ونەر بارىسى: اۋىر سالماقتا ءۇشىنشى ورىندى ەركەبۇلان دايىروۆ ەنشىلەدى
ءۇشىنشى ورىن ءۇشىن بەلدەسۋ كينو جانە تەاتر اكتەرى، قازاقستان جاستار وداعىنىڭ «سەرپەر» سىيلىعىنىڭ لاۋرەاتى ەركەبۇلان دايىروۆ پەن قازاقستاننىڭ تەاتر، كينو جانە دۋبلياج اكتەرى ازامات شارعىن اراسىندا ءوتتى. بوز كىلەمدە وڭتايلى ساتتە جامباس ۇپايىن العان ازامات قارسىلاسى ەركەبۇلاننان باسىم ءتۇستى.
ايتا كەتەيىك، «ونەر بارىسى» رەسپۋبليكالىق ءتۋرنيرى ەلورداداعى «داۋلەت» سپورت كەشەشىندە ءوتىپ جاتىر. تۋرنيرگە جيىرماعا جۋىق پالۋان قاتىستى. ولاردىڭ ىشىندە بىردە- ءبىر كاسىپقوي سپورتشى جوق. بارلىعى دا قازاقستان حالقى جاقسى تانيتىن ارتىستەر مەن مۋزىكانتتار، انشىلەر، ايتىسكەرلەر، اكتەرلەر، ك ت ا- عا قاتىسۋشىلار. ولاردىڭ قاتارىندا قايرات نۇرتاس، اباي ايازبايەۆ، سەرىك يبراگيموۆ، مەيىرجان تورەبايەۆ، امانگەلدى وتەشوۆ، اسىلحان تولەپوۆ، ارتۋر تولەپوۆ، ايان وتەپبەرگەن، نۇرلان مۇسايەۆ، ەركەبۇلان دايىروۆ، الىبەك سەرعاليەۆ، نۇربولات ابدۋللين سىندى ونەرپازدار بار.
اۆتور: مارلان جيەمباي