نۇرسۇلتان نازاربايەۆ پەن قاسىم- جومارت توقايەۆ ۆلاديمير پۋتينمەن تەلەفون ارقىلى سويلەستى
اڭگىمەلەسۋ بارىسىندا ۆلاديمير پۋتين ەكى جاقتى وداقتاستىق قارىم- قاتىناستاردى دامىتۋعا زور ەڭبەك سىڭىرگەنى ءۇشىن نۇرسۇلتان نازاربايەۆقا العىس ءبىلدىرىپ، ونىڭ ەۋرازيالىق ينتەگراتسيا جوباسىن ىسكە اسىرۋداعى تاريحي ءرولىن اتاپ ءوتتى.
رەسەي پرەزيدەنتى قازاقستاننىڭ تۇڭعىش پرەزيدەنتىنىڭ ەۋرازيا ەكونوميكالىق وداعى اياسىنداعى ىنتىماقتاستىقتى نىعايتۋ ۇدەرىستەرىنە بەلسەندى اتسالىسا بەرەتىنىنە سەنىم ءبىلدىردى.
سونىمەن قاتار، ۆلاديمير پۋتين قاسىم- جومارت توقايەۆتى مەملەكەت باسشىسى لاۋازىمىنا كىرىسۋىمەن قۇتتىقتاپ، جاۋاپتى قىزمەتىنە تابىس تىلەدى.
مەملەكەتتەر باسشىلارى قازاقستان مەن رەسەيدىڭ بارلىق سالاداعى سىندارلى ىنتىماقتاستىعىن ودان ءارى ىلگەرىلەتۋ ءۇشىن تىعىز ىقپالداستىقتا بولۋعا، سونداي- اق كۇن تارتىبىندەگى حالىقارالىق وزەكتى ماسەلەلەردى شەشۋ جولىندا بىرلەسە جۇمىس ىستەۋگە ۋاعدالاستى.
سونداي- اق، ۆلاديمير پۋتين قازاقستان پرەزيدەنتى قاسىم- جومارت توقايەۆتى جاقىن ارادا رەسەي فەدەراتسياسىنا ساپارمەن كەلۋگە شاقىردى.