مەملەكەتتەر باسشىلارى قاسىم- جومارت توقايەۆتى پرەزيدەنت لاۋازىمىنا كىرىسۋىمەن قۇتتىقتادى
بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
رەسەي فەدەراتسياسىنىڭ پرەزيدەنتى ۆلاديمير پۋتين ءوز قۇتتىقتاۋىندا قاسىم- جومارت توقايەۆتىڭ ەكى مەملەكەت اراسىنداعى ستراتەگيالىق سەرىكتەستىك پەن وداقتاستىق قاتىناستاردى نىعايتۋ، سونداي- اق ەۋرازيا كەڭىستىگىندەگى ءوزارا ءتيىمدى ينتەگراتسيالىق ۇدەرىستەردى ىلگەرىلەتۋ ىسىنە زور ەڭبەك سىڭىرگەنىن اتاپ وتكەن.
«ءبىز قازاقستان مەن رەسەيدىڭ بارلىق سالاداعى سىندارلى ىنتىماقتاستىعىن ودان ءارى ىلگەرىلەتۋدى، سونداي- اق كۇن تارتىبىندەگى حالىقارالىق وزەكتى ماسەلەلەردى شەشۋ جولىندا ءوزارا ىقپالداستىقتى بىرلەسە قامتاماسىز ەتەمىز دەپ سەنەمىن. مۇنىڭ باۋىرلاس حالىقتاردىڭ مۇددەلەرىنە ساي كەلەتىنى، وڭىرلىك تۇراقتىلىق پەن قاۋىپسىزدىكتى نىعايتۋدى كوزدەيتىنى ءسوزسىز»، - دەلىنگەن جەدەلحاتتا.
قىتاي حالىق رەسپۋبليكاسىنىڭ ءتوراعاسى شي جينپيڭ قۇتتىقتاۋ حاتىندا قازاقستان مەن قىتايدىڭ تاتۋ كورشى ءارى جان- جاقتى ستراتەگيالىق سەرىكتەس ەكەنىنە توقتالىپ، ەكى ەلدىڭ كۇش جۇمىلدىرۋىنىڭ ارقاسىندا قارىم- قاتىناستارىمىز جوعارى دەڭگەيگە كوتەرىلگەنىن اتاپ وتكەن.
«ءبىز تۇڭعىش پرەزيدەنت نۇرسۇلتان نازاربايەۆ ەكەۋىمىز بەرىك دوستىق قاتىناستار ورناتتىق. سونداي- اق، سىزبەن بىرگە دە ەكى مەملەكەتتىڭ جانە حالقىمىزدىڭ يگىلىگى ءۇشىن قازاقستان مەن قىتاي اراسىنداعى جان- جاقتى ستراتەگيالىق سەرىكتەستىك قاتىناستاردى نىعايتا تۇسەمىز دەپ سەنەمىن. دوستاس قازاقستاننىڭ قۋاتى ارتىپ، وركەندەي بەرۋىنە نيەتتەستىك بىلدىرەمىن، سونىمەن قاتار حالقىڭىزعا باق- بەرەكە مەن اماندىق تىلەيمىن»، - دەلىنگەن قۇتتىقتاۋ حاتتا.
وزبەكستان رەسپۋبليكاسىنىڭ پرەزيدەنتى شاۆكات ميرزيەيۆ ءوزىنىڭ جەدەلحاتىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ تاريحي ءرولى اسا زور ەكەنىن اتاپ ءوتىپ، وزبەك جانە قازاق حالىقتارىن دوستىق پەن تاتۋ كورشىلىكتىڭ سان عاسىرلىق ارقاۋى بايلانىستىراتىنىن جەتكىزگەن. سونداي- اق، حاتتا تىعىز ىقپالداستىق پەن ءوزارا سەنىمنىڭ مول تاجىريبەسى ەكى جاقتى قارىم- قاتىناستى ستراتەگيالىق سەرىكتەستىكتىڭ جاڭا ساپالى دەڭگەيىنە شىعارۋعا مۇمكىندىك بەرگەنى ايتىلعان.
«ءبىز بىرلەسە كۇش جۇمىلدىرۋدىڭ ارقاسىندا وڭىردەگى قاۋىپسىزدىكتى، تۇراقتىلىق پەن ورنىقتى دامۋ ۇدەرىسىن قامتاماسىز ەتۋ ءۇشىن ەلدەرىمىز بەن حالىقتارىمىز اراسىنداعى كوپ جاقتى ىنتىماقتاستىقتىڭ زور الەۋەتىن تولىق پايدالانا وتىرىپ، قول جەتكىزىلگەن ۋاعدالاستىقتاردى دايەكتى تۇردە جۇزەگە اسىرا بەرەتىنىمىزگە كامىل سەنەمىن»، - دەلىنگەن جەدەلحاتتا.
قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ قۇتتىقتاۋ جەدەلحاتىندا ەكى ەل اراسىنداعى ستراتەگيالىق سەرىكتەستىك، دوستىق، وداقتاستىق جانە تاتۋ كورشىلىك قاتىناستار حالىقتارىمىزدىڭ يگىلىگى مەن وركەندەۋى ءۇشىن ودان ءارى نىعايا بەرەتىنىن اتاپ وتكەن.
تاجىكستان رەسپۋبليكاسىنىڭ پرەزيدەنتى ەمومالي راحموننىڭ جەدەلحاتىندا تاجىكستان مەن قازاقستاننىڭ ستراتەگيالىق سەرىكتەستىككە نەگىزدەلگەن بۇكىل قاتىناستارى دوستاس حالىقتاردىڭ يگىلىگى جولىندا نىعايا تۇسەتىنىنە سەنىم بىلدىرىلگەن.
تۇرىكمەنستان پرەزيدەنتى گۋربانگۋلى بەردىمۇحامەدوۆ ءوزىنىڭ قۇتتىقتاۋ جەدەلحاتىندا تۇرىكمەنستاندا قازاقستانمەن اراداعى دوستىق، ءوزارا قۇرمەت پەن كومەك قاعيداتتارى نەگىزىندە قالىپتاسقان قاتىناستار جوعارى باعالاناتىنىن اتاپ وتكەن.
«تۇرىكمەنستان مەن قازاقستان اراسىنداعى قاتىناستار الداعى ۋاقىتتا دا باۋىرلاس حالىقتارىمىزدىڭ يگىلىگى ءۇشىن قارقىندى دامىپ، ءوزارا ءتيىمدى ىنتىماقتاستىق رۋحىندا نىعايا بەرەدى دەپ سەنەمىن»، - دەلىنگەن جەدەلحاتتا.
سينگاپۋر رەسپۋبليكاسىنىڭ پرەزيدەنتى حاليما ياكوب ءوزىنىڭ جەدەلحاتىندا ەكى مەملەكەت اراسىندا حالىقتارىمىزدىڭ ءال- اۋقاتىن ارتتىرۋ جانە ەلدەرىمىزدى دامىتۋ ءۇشىن ورتاق ماقساتتارعا نەگىزدەلگەن ەكى جاقتى دوستىق قاتىناستار قالىپتاسقانىن اتاپ وتكەن.
«بىلتىر 25 جىل تولعان قارىم- قاتىناستارىمىزدىڭ دايەكتى دامىپ كەلە جاتقانىن زور قۋانىشپەن اتاپ وتكىم كەلەدى. ەكى جاقتى بايلانىستاردى ودان ءارى نىعايتۋ ءۇشىن سىزبەن بىرلەسە جۇمىس ىستەۋدى اسىعا كۇتەمىن»، - دەلىنگەن جەدەلحاتتا.
مولدوۆا رەسپۋبليكاسىنىڭ پرەزيدەنتى يگور دودون ءوزىنىڭ قۇتتىقتاۋ جەدەلحاتىندا قاسىم- جومارت توقايەۆتىڭ جوعارى مەملەكەتتىك لاۋازىمداعى قىزمەتى قازاقستاندى ودان ءارى وركەندەتۋگە جانە مولدوۆا مەن قازاقستاننىڭ دوستىق بايلانىستارىن دامىتۋعا باعىتتالاتىنىن اتاپ وتكەن.
چەحيا رەسپۋبليكاسىنىڭ پرەزيدەنتى ميلوش زەمان ەكى ەلدى دوستىق قاتىناستار مەن كوپتەگەن باعىتتار بويىنشا، اسىرەسە، ەكونوميكالىق سالادا تىعىز ىنتىماقتاستىق بىرىكتىرەتىنىن اتاپ ءوتىپ، ولاردىڭ الداعى ۋاقىتتا تابىستى ىلگەرىلەي بەرەتىنىنە سەنىم ءبىلدىردى.
سەربيا رەسپۋبليكاسىنىڭ پرەزيدەنتى الەكساندر ۆۋچيچ سەربيا مەن قازاقستاننىڭ اراسىنداعى شىنايى دوستىق پەن قۇرمەتكە نەگىزدەلگەن قاتىناستار وتكەن كەزەڭدە مۇلدەم جاڭا دەڭگەيگە كوتەرىلگەنىن اتاپ وتكەن.
«قۇرمەتتى نۇرسۇلتان نازاربايەۆ مىرزامەن جەكە بايلانىسىم ارقىلى ورنىققان ىنتىماقتاستىق پەن تىعىز قاتىناستاردى الداعى ۋاقىتتا جالعاستىرىپ قانا قويماي، ودان ءارى نىعايتا بەرەمىز دەپ سەنەمىن»، - دەلىنگەن جەدەلحاتتا.
ت م د اتقارۋشى كوميتەتىنىڭ ءتوراعاسى - اتقارۋشى حاتشى سەرگەي لەبەديەۆ قازاقستاندا قاسىم- جومارت توقايەۆتىڭ باسشىلىعىمەن مىقتى جانە وركەندەگەن مەملەكەت قۇرۋ، ونىڭ حالىقارالىق ارەناداعى ورنىن نىعايتۋ ءىسى جالعاسا بەرەتىنىنە، ال تاۋەلسىز مەملەكەتتەر دوستاستىعى ەلدەرىمەن ءوزارا ءتيىمدى سەرىكتەستىك جاڭا ءارى زور سەرپىن الاتىنىنا سەنىم بىلدىرگەن.
شاڭحاي ىنتىماقتاستىق ۇيىمىنىڭ باس حاتشىسى ۆلاديمير نوروۆ قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ ۇلەسىن اتاپ ءوتىپ، تاۋەلسىزدىك جىلدارى قازاقستاننىڭ ساياسي، الەۋمەتتىك- ەكونوميكالىق دامۋدىڭ كۇردەلى مىندەتتەرىن اتقارۋ ىسىندە ايتارلىقتاي جەتىستىكتەرگە قول جەتكىزىپ، حالىقارالىق بەدەلىن نىعايتقانىن ايتقان.
«قازاقستاننىڭ تۇڭعىش پرەزيدەنتى ن. ءا. نازاربايەۆتىڭ حالىقارالىق جاڭاشىل باستامالارى الەمدىك قوعامداستىق تاراپىنان ءاردايىم قولداۋ تاپتى. قازاقستاننىڭ بەدەلدى ءارى ادىلەتتى پىكىرىنە وڭىردە دە، الەمدە دە قۇلاق اسىپ، قۇرمەتپەن قارايدى. شانحاي ىنتىماقتاستىق ۇيىمىنىڭ بىشكەك قالاسىندا ءسىزدىڭ قاتىسۋىڭىزبەن وتەتىن الداعى ءسامميتى «شانحاي رۋحى» اتتى جاسامپازدىق قاعيداتىنا سۇيەنە وتىرىپ، وڭىرلىك جانە جاھاندىق قاۋىپسىزدىك ماسەلەلەرىن جۇزەگە اسىرۋ ءۇشىن بىرلەسكەن كۇش- جىگەردى جانداندىرا تۇسۋگە مۇمكىندىك بەرەدى دەپ سەنەمىن»، - دەلىنگەن جەدەلحاتتا.
ب ۇ ۇ- نىڭ جەنيەۆاداعى بولىمشەسىنىڭ باس ديرەكتورى ميحاەل مەللەر ءوزىنىڭ حاتىندا قازاقستان پرەزيدەنتىنىڭ مەملەكەتتىك قىزمەتتەگى جانە بۇۇ اياسىنداعى تاجىريبەسىن اتاپ وتكەن. مۇنىڭ قازاقستان ءۇشىن بىرەگەي باسىمدىق ەكەنى جانە ونىڭ ورتالىق ازياداعى ينتەگراتسيالىق جانە ىنتىماقتاستىق ۇدەرىستەردە جەتەكشى ءرول اتقارۋعا سەپتىگى تيەتىنى ايتىلعان.
«مەن وسىنداي مارتەبەلى لاۋازىمعا ءوزىمنىڭ تىلەۋلەسىم - كوپ جاقتى ديپلوماتيانى ۇستانۋشى تۇلعانىڭ كەلگەنىنە قۋانىشتىمىن. بۇۇ مەن قازاقستان اراسىنداعى وتىز جىلعا جۋىق ۋاقىت ىشىندە قالىپتاسقان وسىنداي ءوزارا تۇسىنىستىك رۋحىمەن ورتاق سىن- قاتەرلەرگە توتەپ بەرۋ ءۇشىن بىرلەسە جۇمىس ىستەۋگە دايىنمىن»، - دەلىنگەن قۇتتىقتاۋ حاتتا.
ەۋرازيا ەكونوميكالىق كوميسسياسى القاسىنىڭ ءتوراعاسى تيگران ساركيسيان قاسىم- جومارت توقايەۆتىڭ قازاقستان پرەزيدەنتى لاۋازىمىنداعى قىزمەتى ەۋرازيا ەكونوميكالىق وداعىنداعى ينتەگراتسيالىق ۇدەرىستەردى جان- جاقتى دامىتۋعا جانە ونىڭ حالىقتارىنىڭ باق- بەرەكەسىن ارتتىرۋعا باعىتتالاتىنىنا سەنىم بىلدىرگەن.