10:30, 22 - ناۋرىز 2019 | GMT +6
فرانسۋزدار قازاقستاندى ناۋرىز مەرەكەسىمەن قۇتتىقتادى
استانا. قازاقپارات - فرانسيانىڭ قوعام جانە مادەنيەت قايراتكەرلەرى قازاقستان حالقىن ناۋرىز مەرەكەسىمەن قۇتتىقتادى، دەپ حابارلايدى قازاقپارات.
بەينەروليكتى فرانسياداعى قازاقستان ەلشىلىگى جاريالادى.
قۇتتىقتاۋشىلار اراسىندا جازۋشى البەرت فيشلەر، اكتەر سامي ناسيري مەن ارنو ديۋكرە، WKN الەم چەمپيونى كريستان بەرتەلي، «استانا» ۆەلوكومانداسى، قوعام قايراتكەرى گراف پەتر شەرەمەتيەۆ بار.
جازۋشى مارەك حالتەر سوعىس كەزىندە قۇتقارىپ قالعان ارداگەرلەرگە العىس ايتتى.
«قازاقستاندىق دوستاردى ناۋرىز مەرەكەسىمەن قۇتتىقتايمىن! بالا كەزىمدە سىزدەر مەنى سوعىستان امان الىپ قالدىڭىزدار. سوندىقتان سىزدەرگە سالەم جولدايمىن»، - دەدى ول.
سونداي- اق، قازاقستاندىقتاردى فرانسيا ۇلتتىق اسسامبلەياسىنىڭ دەپۋتاتى پەر كابارە، مۋزىكانت ديدە مارۋاني جانە پاريجدەگى قازاق جاستارى مەن بۇلدىرشىندەرى قۇتتىقتادى.
اۆتور: ايجان سەرىكجان قىزى