اتىراۋدا پوليتسيا قىزمەتكەرى سۋعا باتقان ايەلدى قۇتقارىپ، ءوز مەرت بولدى
21 - ناۋرىز كۇنى كەشكى ساعات 21-52-دە «102» پۋلتىنە بەلگىسىز ادام حابارلاسىپ، ورتالىق كوپىردەن ءبىر ادامنىڭ سۋعا سەكىرگەنىن حابارلادى. اتىراۋ قالالىق پوليتسيا باسقارماسىنىڭ جەكە قۇرامى شۇعىل ارادا قۇلاقتاندىرىلدى. وقيعا ورنىنا ءبىرىنشى جەتكەن پاترۋلدىك پوليتسيا سەرجانى شالقار اقىمعاليەۆ ويلانباستان مۇزداي سۋعا تۇسكەن.
«جاعالاۋدا روليكپەن سەرۋەن دەگەننەن كەيىن دەمالىپ الماق بولعان كەزىمىزدە سۋيتسيدكە توسىننان كۋا بولدىق. مەن بىردەن پوليتسياعا حابارلادىم. ساناۋلى سەكۋندتار ىشىندە وقيعا ورنىنا جەتكەن پوليتسيا قىزمەتكەرلەرىنىڭ ءبىرى باتىپ بارا جاتقان ادامعا تەز ءجۇزىپ باردى. سۋ مۇزداي، وعان قوسا قاتتى اعىس قىزدى قالاي اعىزىپ بارا جاتقانى دا كورىنىپ تۇردى. ءبىراق، پوليتسيا قىزمەتكەرى ءوز ءومىرىن تاۋەكەلگە تىگىپ، باتقان ادامدى قۇتقارۋعا تالپىنىسىن توقتاتقان جوق»، - دەيدى وقيعا كۋاگەرى رايىمبەك ساربالين.
شالقارعا كومەككە وزىمەن بىرگە بورەنەنى الىپ سۋعا تۇسكەن پوليتسيا كىشى لەيتەنانتى رۇستەمبەك سۇندەتوۆ ۇمتىلعان.
«سۋعا باتقان ادامعا جەتكەن كەزىمدە شالقار اعىسقا توتەپ بەرە الماي باتىپ كەتتى. ايەلدى قۇتقارۋ ماڭىزدى بولدى. ونىڭ ۇستىنە ايەل «ول مەن ءۇشىن ءولدى» دەپ ايقايلاپ، ەستى شىعاردى»، - دەپ ەسكە الادى رۇستەمبەك سۇندەتوۆ.
اجالدان قۇتقارىلعان باتىس قازاقستان وبلىسىنىڭ تۋماسى جەدەل جاردەم كولىگىمەن وبلىستىق اۋرۋحاناسىنىڭ رەانيماتسيا بولىمشەسىنە جەتكىزىلگەن. ال رۇستەمبەكتىڭ ارىپتەسىن ءوز بەتىنشە ىزدەۋى ەش ناتيجە بەرمەدى. 3 گرادۋس مۇزداي سۋدا ءسىڭىرى تارتىلعان 30 جاستاعى كىشى لەيتەنانت سۇندەتوۆ جاعاعا ءوزى ءجۇزىپ جەتكەن.
«00-50-دە شالقار اقىمعاليەۆتىڭ مۇردەسى وقيعا ورنىنان تومەن جاقتان تابىلىپ، جاعاعا شىعارىلدى. شالقار اقىمعاليەۆ كوپبالالى وتباسىنىڭ جالعىز اسىراۋشىسى. بويداق، 1 - ساۋىردە 25 جاسقا تولاتىن ەدى. وتانىنا 5 جىل بويى ادال قىزمەت ەتىپ كەلە جاتقان ول سۋعا باتقان ايەلدى قۇتقارامىن دەپ ءوز ءومىرىن قيدى. ىشكى ىستەر ورگاندارىنىڭ باسشىلىعى مەن جەكە قۇرامى قازا بولعان ازاماتتىڭ وتباسى مەن تۋعان- تۋىستارىنا قايعىرىپ كوڭىل ايتادى»، - دەدى ءنۇردىلدا وراز.
اۆتور: مارلان جيەمباي