ناۋرىز مەيرامىندا شاڭىراق كوتەرگەن جاستارعا نۇرسۇلتان نازاربايەۆ اق باتاسىن بەردى

استانا. قازاقپارات - بۇگىن استانادا ناۋرىز مەرەكەسى كۇنى شاڭىراق كوتەرگەن ەلوردالىق جاستارعا تۇڭعىش پرەزيدەنت - ەلباسى نۇرسۇلتان نازاربايەۆ اق باتاسىن بەردى، دەپ حابارلايدى قازاقپارات ءتىلشىسى.

بەلگىلى بولعانداي، بۇگىنگى مەرەكەلىك شارا بارىسىندا 9 جۇپ ۇيلەنۋ تويىن اتاپ ءوتىپ جاتىر.

ايتا كەتەيىك، بۇگىن ەكسپو-قالاشىق اۋماعىنداعى ناۋرىز مەيرامىمەن حالىقتى قۇتتىقتاۋعا ەلباسى مەن ق ر پرەزيدەنتى قاسىم-جومارت توقايەۆ كەلدى.

ەلوردادا التى الاڭدا كيىز ۇيلەر تىگىلىپ، ەتنواۋىلدار اشىلدى. كەلۋشىلەر مەرەكەلىك كونسەرتتىك باعدارلامالار تاماشالاپ، قازاق كۇرەسى، ارقان تارتىس، گىر كوتەرۋ، اسىق اتۋ جانە ارمرەستلينگ سياقتى ۇلتتىق سپورت تۇرلەرىنەن كۇش سىناسىپ جاتىر. استانا تۇرعىندارى مەن قوناقتارى باۋىرساق، پالاۋ، ناۋرىز كوجە، ىرىمشىك تاعامدارىنان ءدام تاتىپ، التىباقان ماڭىنا جينالدى.

جالپى ناۋرىز مەيرامىنىڭ قۇرمەتىنە استانادا 50 گە جۋىق كيىز ءۇي مەن 10 نان ارتىق التىباقان ورناتىلادى.