اتىراۋدا نازاربايەۆ داڭعىلى مەن ساتپايەۆ اتىنداعى جاڭا ىقشاماۋدان بولادى
ال اكادەميك ق. ساتپايەۆتىڭ ەسىمى 25 مىڭ پاتەردەن تۇراتىن جاڭا ىقشاماۋدانعا بەرىلەدى، دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
بۇگىن اتىراۋ قالالىق ءماسليحاتىنىڭ دەپۋتاتتارى وبلىس ورتالىعىنداعى باستى داڭعىلدىڭ اتاۋىن اۋىستىرۋ باستاماسىن ماقۇلدادى. حالىق قالاۋلىلارى بۇل باستاما تۇڭعىش پرەزيدەنت - ۇلت كوشباسشىسى نۇرسۇلتان ءابىش ۇلى نازاربايەۆتىڭ قول جەتكىزگەن تابىستارىن بولاشاق ۇرپاقتىڭ جادىندا ساقتايتىن تاريحي قادام ەكەنىن اتاپ ءوتتى.
ايتا كەتۋ كەرەك، ق. ساتپايەۆتىڭ اتىنا اتىراۋ قالاسى تالعايراڭ اۋىلى اۋماعىندا بوي كوتەرەتىن جاڭا ىقشاماۋدان بەرىلەدى. قازىر 1400 گ ا اۋماققا 25 مىڭ پاتەردەن تۇراتىن 430 كوپقاباتتى تۇرعىن ءۇي قۇرىلىسىن جۇرگىزۋ جوسپارلانىپ وتىر. سونداي-اق، مۇندا الەۋمەتتىك نىساندار - مەكتەپتەر، اۋرۋحانالار، بالاباقشالار، مەشىتتەر، كونسەرت زالدارى، ساياباقتار پەن يپپودرومدار جانە تاعى باسقا نىساندار سالىنادى.
بيىل وسى جوبا اياسىندا 1800 پاتەرلىك 24 كوپقاباتتى تۇرعىن ءۇيدىڭ قۇرىلىسى باستالادى دەگەن جوسپار بار.