استاناداعى ناۋرىز تويىنا نۇرسۇلتان نازاربايەۆ پەن قاسىم-جومارت توقايەۆ قاتىستى

استانا. قازاقپارات - ەرتە تاڭنان بەرى «ەكسپو» اۋماعىنا ەلوردا تۇرعىندارى اعىلىپ جاتىر. استانا ناۋرىز مەرەكەسىن تويلاۋدى باستاپ كەتتى.

ناۋرىز تويىنا ەلباسى نۇرسۇلتان نازاربايەۆ پەن پرەزيدەنت قاسىم-جومارت توقايەۆ قاتىستى، دەپ حابارلايدى قازاقپارات ءتىلشىسى.

مەملەكەتتىك ورگاندار، ەلورداداعى ەتنومادەني بىرلەستىكتەردىڭ كۇش سالۋىمەن ەكسپو اۋماعىندا 17 كيىز ءۇي تىگىلدى.

ناۋرىز مەيرامىن تويلاۋ اياسىندا قالا تۇرعىندارى مەن قوناقتارى ەكسپو كورمەلەر كەشەنى اۋماعىندا ءداستۇرلى ەتنواۋىلمەن قاتار، بىرنەشە تاقىرىپتىق مۋزەي كيىز ۇيلەردى دە كورۋىنە بولادى، قازاقتىڭ ۇلتتىق سالت-داستۇرلەرىن، تەاترلاندىرىلعان كورىنىستەردى، ايتىستى، قازاق ەستراداسىنىڭ جۇلدىزدارى قويعان كونسەرتتى تاماشالايدى.

قازاق كۇرەسى، ارقان تارتىس، گىر كوتەرۋ، اسىق اتۋ، ارمرەستلينگتەن ءداستۇرلى سپورت سايىستارى دا ۇيىمداستىرىلادى.