اقتاۋدا تۇڭعىش پرەزيدەنتتىڭ قۇرمەتىنە فلەشموب ءوتتى
اكسياعا قاتىسۋشى - جاستار، مۇعالىمدەر، دارىگەرلەر، ۇ ە ۇ، ەتنومادەني بىرلەستىكتەر، قۇرىلىس جانە مۇناي كومپانيالارىنىڭ وكىلدەرى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆقا دەگەن ماحابباتتارى مەن ريزاشىلىقتارىن ءبىلدىرۋ ءۇشىن 15-شاعىن اۋداننىڭ جاعالاۋىنداعى امفيتەاترعا جينالدى.
فلەشموب بارىسىندا جاستار ارىپتەردەن ەلباسى، ماڭعىستاۋ، قازاقستان سوزدەرىن قۇرادى. كەيىن تۇڭعىش پرەزيدەنتكە قۇرمەت رەتىندە ەلىمىزدىڭ كوك بايراعى جوعارى كوتەرىلدى. سونىمەن قاتار، ونداعان ادام اۋماعى 40 شارشى مەتردى قۇرايتىن مەملەكەتتىك تۋدى الىپ ءجۇرىپ ءوتتى.
اقتاۋ تۇرعىندارى ەلباسىنا دەگەن قولداۋلارى مەن ريزاشىلىقتارىن ءبىلدىردى.
«تۇڭعىش پرەزيدەنت تەك ءبىزدىڭ وبلىس ءۇشىن عانا ەمەس، بۇكىل ەل ءۇشىن قولىنان كەلگەنىن ايامادى. ال قازىر شىن مانىندە ۇلى دەپ اتاۋعا بولاتىن ءبىلىمدى ۇلتقا اينالدىق. سونداي-اق، ءبىزدىڭ ەلدى ونىڭ ارقاسىندا ۇلى دەپ اتاۋعا بولادى»، - دەدى فلەشموبقا قاتىسۋشى ارتەم چيگين.
«حالقىمىز بەيبىت ەلدە ءومىر ءسۇرىپ جاتقانى ءۇشىن، جاساعان بار جاقسىلىقتارى ءۇشىن ەلباسىنا العىسىمىزدى جەتكىزگىمىز كەلەدى. قازىر ەلىمىزدى الەمدىك ارەنادا جاقسى تانيدى. سونداي-اق جاستار ءۇشىن كوپ نارسە جاسادى دەپ ەسەپتەيمىن. بىزدە قازىر وقىپ، شەت ەلدە ءبىلىم الۋعا بارلىق جاعداي جاسالعان»، - دەيدى اقتاۋ قالاسىنىڭ تۇرعىنى ءاليا ءشارىپوۆا.