+7 (701) 759 90 19
7 °С : نۇر-سۇلتان
8 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

قاراعاندىدا عارىشتا بولىپ قايتقان تۇقىمداردان وسىمدىكتەر وسىرىلەدى

21 ناۋرىز 10:35
:ءبولىسۋ
قاراعاندىدا عارىشتا بولىپ قايتقان تۇقىمداردان وسىمدىكتەر وسىرىلەدى

قاراعاندى. قازاقپارات - قاراعاندىدا جاقىن ارادا پايدا بولاتىن عارىشكەلەر ساياباعى جانە ە. ا. بوكەتوۆ اتىنداعى قارمۋ باس كورپۋسىنىڭ اۋماعىندا عارىشتا بولىپ قايتقان تۇقىمنان دولانا وسىرىلەدى، دەپ حابارلايدى قازاقپارات ءتىلشىسى.

«تۇقىمدار 2018-جىلدىڭ 2- ساۋىرىندە جەردەن ۇشىپ كەتكەن SpaceX Dragon كەمەسىنىڭ بورتىندا بولدى. 2018-جىلدىڭ 4- ساۋىرىندە ولاردى حالىقارالىق عارىش ستانساسىنا جەتكىزدى. سونان سوڭ 5- مامىردا قايتا جەرگە ورالدى. تۇقىمدار جيىرما ميلليون شاقىرىمنان استام ساپار شەگىپ قايتتى، مەندە ونى ءۇش تىلدە راستايتىن حات بار. مەن وسى تۇقىمداردى وسىندا جەتكىزگەنىمىزگە وتە قۋانىشتىمىن. ءسال كەشىكسەك تە، قاراعاندىداعى ەگۋ ناۋقانىنا وراي ۇلگەردىك»، - دەيدى اەروعارىشتىق ينجەنەر، رەسەيدەگى NASA وكىلى چەد روۋ.

اعاشتاردىڭ ءوسۋىن قارمۋ ستۋدەنتتەرى مەن وقىتۋشىلارى باقىلايتىن بولادى. ماماندار تاعى ءبىر تۇقىم پارتياسىن ىرىكتەپ، ساقتاپ قالدى. ولاردى عارىشتىق ساۋلەلەنۋدىڭ اسەرىن سالىستىرۋ جانە زەرتتەۋ ءۇشىن عارىشتا بولعان وسىمدىكتەردىڭ جانىندا وتىرعىزادى.

«1975-جىلى «سويۋز-19» جانە «اپوللون» عارىش كەمەلەرىنىڭ سىناقتىق ۇشۋى كەزىندە استروناۆتار كانادالىق شىرشالاردىڭ تۇقىمدارىمەن ءوزارا الماسقان بولاتىن. سودان كەيىن بۇل وسىمدىكتەر ماسكەۋ مەن نوۆوسىبىردە وتىرعىزىلدى. زەرتتەۋ كورسەتكەندەي، العاشقى ون جىلدا تۇقىمدارى عارىشتا بولعان اعاشتار %40 عا ءوسىپ، جەمىس بەرەدى. وكىنىشكە وراي، كەڭەس وداعى ىدىراعاننان كەيىن بۇل زەرتتەۋلەر توقتاتىلدى»، - دەدى قاراعاندى قالاسى اكىمىنىڭ كەڭەسشىسى جانە تۇقىمداردى عارىشقا جىبەرۋ يدەياسىنىڭ باستاماشىسى رۋسلان تەلەگين.

قارمۋ قىزمەتكەرلەرى NASA- مەن ىنتىماقتاستىقتى جالعاستىرۋ جانە وسىمدىكتەرگە عارىشتىق ساۋلەلەنۋدىڭ اسەرىن ەگجەي-تەگجەيلى زەرتتەۋدى ءارى قاراي جالعاستىرۋدى جوسپارلاپ وتىر.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات