ۆلاديمير پۋتين: نۇرسۇلتان نازاربايەۆ ەۋرازيالىق ينتەگراتسياعا سۇبەلى ۇلەس قوستى

ماسكەۋ. قازاقپارات - رەسەي فەدەراتسياسىنىڭ پرەزيدەنتى ۆلاديمير پۋتين ۇكىمەت مۇشەلەرىمەن كەزدەسۋدە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ ەۋرازيالىق ينتەگراتسياعا قوسقان سۇبەلى ۇلەسىن اتاپ كورسەتىپ، بىرگە اتقارعان تابىستى ەڭبەگى ءۇشىن العىس ءبىلدىردى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.

«بىزگە ەڭ جاقىن كورشى ەلدە قانداي ساياسي وقيعالار بولىپ جاتقانىن كورىپ وتىرمىز. ولار ساياسي باسشىلىقتىڭ الماسۋىنا بايلانىستى. ساباقتاستىقتىڭ قامتاماسىز ەتىلەتىنىنە ءۇمىت ارتامىز. ءبىراق، نۇرسۇلتان ءابىش ۇلى نازاربايەۆتىڭ جوعارعى مەملەكەتتىك لاۋازىمىن تاپسىرۋىنا بايلانىستى، وعان بىرگە اتقارعان ەڭبەگى ءۇشىن كوپ راحمەت ايتىپ، دەنساۋلىق، ساتتىلىك تىلەۋگە بارشا نەگىزىمىز بار.

ول ەلدەرىمىز اراسىنداعى وزات ينتەگراتسيانىڭ باستاماشىلارىنىڭ ءبىرى، ە ا ە و اۆتورى دەۋگە بولادى. بۇل جوبا ونىڭ تىكەلەي قولداۋىنىڭ، وسى ىسكە اتسالىسقانىنىڭ ارقاسىندا تابىستى دامىپ كەلەدى. ءوز تاراپىمىزدان وسى پروتسەستەردى جالعاستىرۋ ءۇشىن بارىمىزدى سالامىز»، - دەدى رەسەي باسشىسى ر ف ۇكىمەت مۇشەلەرىمەن كەزدەسۋدە.