گاۋحار الدامبەرگەنوۆا: ەلباسى - ازاتتىقتىڭ ارحيتەكتورى
مۇنداي پىكىردى قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گاۋحار الدامبەرگەنوۆا ءبىلدىردى، دەپ حابارلايدى قازاقپارات ءتىلشىسى.
«تاۋەلسىز قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ 19- ناۋرىز كۇنى جاساعان مالىمدەمەسىن ۇلكەن تولعانىسپەن قابىلدادىم. ويتكەنى، بۇل - تاريحي ءسات بولاتىن. شىن مانىندە تاۋەلسىز قازاقستاننىڭ بارلىق جەتىستىكتەرى، بۇگىنگى كەسكىن- كەلبەتى نۇرسۇلتان نازاربايەۆپەن تىعىز بايلانىستى. ەلىمىز ەگەمەندىك الىپ، تاۋەلسىزدىكتىڭ تاۋەكەلشىل جولىنا بەت الۋىنىڭ قاينار باستاۋىندا ەلباسى تۇردى. سوندىقتان ق ر تۇڭعىش پرەزيدەنتىن ازاتتىقتىڭ ارحيتەكتورى دەسەك تە بولادى. بۇگىندە الەمدەگى ەڭ ۇزدىك دامىعان وتىز ەلدىڭ قاتارىنا كىرۋدى الدىنا اسقاق ماقسات ەتىپ قويىپ، سول جولدا وراسان زور تابىستارعا قول ارتىپ ۇلگەرگەن مەرەيلى مەملەكەتىمىزدىڭ ىرگەسىن قالاپ، قادامىن نىقتاپ، قابىرعاسىن تۇرعىزعان، اينالاسىن بەكەمدەپ، شاڭىراعىن كوتەرگەن دە نۇرسۇلتان نازاربايەۆ ەدى. ساليقالى ساياساتتىڭ ارقاسىندا قازاق ەلى ودان ارمەن دامي بەرەتىنىنە قازاق ۇلتتىق قىزدار پەداگوگيكالىق ۋنيۆەرسيتەتىنىڭ ۇجىمى مەن ستۋدەنتتەرىنىڭ سەنىمى زور»، - دەپ اتاپ وتەدى ۋنيۆەرسيتەت باسشىسى.
سونىمەن قاتار ول نۇرسۇلتان ءابىش ۇلى قاي سالادا بولماسىن حالىقتى جەڭىستەرگە جەتەلەۋشى، سول جەڭىستەر مەن جەتىستىكتەرگە دەم بەرۋشى بولعانىن باسا ايتادى.
«ءبىزدىڭ ەلىمىزدە وسى كەزگە دەيىن قانداي ءبىر قول جەتكەن تولاعاي تابىستار بولماسىن، سونىڭ بارلىعىن دا ءسىزدىڭ قولتاڭباڭىز، اەكەلىك قامقورلىعىڭىز، باسشىلىق باعدارىڭىز بار. تەك سوڭعى جىلداردىڭ وزىندە ءسىزدىڭ ۇيىتقى بولۋىڭىزبەن قانشاما ىرگەلى ىستەر، باياندى باعدارلامالار قولعا الىندى. بۇل باستامالار - ەل يگىلىگىنە اينالار ىرگەلى ىستەرگە جول اشتى، سەرپىن بەردى»، - دەدى گاۋحار الدامبەرگەنوۆا.