+7 (701) 759 90 19
1 °С : نۇر-سۇلتان
6 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

باسىمىزعا جاي تۇسكەندەي بولدى: ونەر ادامدارى ەلباسىنىڭ پرەزيدەنتتىكتەن كەتۋىن قالاي قابىلدادى

20 ناۋرىز 22:35
:ءبولىسۋ
باسىمىزعا جاي تۇسكەندەي بولدى: ونەر ادامدارى ەلباسىنىڭ پرەزيدەنتتىكتەن كەتۋىن قالاي قابىلدادى

استانا. قازاقپارات - نۇرسۇلتان نازاربايەۆتىڭ ۇندەۋى ەلىمىزدەگى ونەر مەن سپورت قايراتكەرلەرى ءۇشىن دە كۇتپەگەن جاعداي بولىپتى. ءتىپتى توبەمىزدەن جاي تۇسكەندەي بولدى دەيدى. وكىنىشتەرىن دە جاسىرمادى.

دەگەنمەن قاسىمجومارت توقايەۆ بىلىكتى ساياساتكەر، ەل باسقارۋ قولىنان كەلەدى دەگەن سەنىم ءبىلدىردى، دەپ جازادى ەۆرازيا.

قازاقستاننىڭ حالىق ءارتىسى ءاسانالى ءاشىموۆ بۇل جاڭالىقتى ەستىگەندە جۇرەگى بۇلك ەتە تۇسكەنىن جاسىرمادى. دەگەنمەن اقساقال اكتەر بۇل دەر كەزىندە، قابىلدانعان وڭدى شەشىم بولعانىن ايتادى.

«دەر كەزىندە نۇرەكەڭنىڭ شەشىمى اقىلدى شەشىم دەپ ەسەپتەيمىن. كەيىنگى ءوزىنىڭ تاربيەلەپ جۇرگەن ارىپتەستەرىنە جول بەرىپ، ارى قاراي جول سىلتەپ، كەلەشەكتە دە جول كورسەتىپ وتىراتىن جاعدايعا كەلتىردى. ەلباسى دەگەن اتاعى قالدى. تاعى دا ماراپاتتار الىپ جاتىر. ەلدىڭ قۇرمەتتەگەنى سىيلاعانى، جاقسىلاپ شىعارىپ سالعانى ءبارىمىزدى قۋانتادى»، - دەيدى ق ر حالىق ءارتىسى ءاسانالى ءاشىموۆ.

ال قازىر اۋرۋحانادا ەم قابىلداپ جاتقان ەسكەندىر حاسانعاليەۆ تە مەملەكەت باسشىسىنان بۇنداي ۇندەۋدى كۇتپەگەنىن جەتكىزدى.

«نۇرەكەڭنىڭ مالىمدەمەسى بولار، حالقىنا دەگەن ۇندەۋى بولار دەپ ويلاپ قالعانبىز. ءبىراقتا مىنانداي اڭگىمەنى ەستىگەندە ءبىز باسىمىزعا جاي تۇسكەندەي بولدى شىنىن ايتايىق. كۇتپەگەن جاعداي»، ەسكەندىر حاسانعاليەۆ.

قازاقتان شىققان العاشقى وليمپيادا چەمپيونى جاقسىلىق ۇشكەمپىروۆ پرەزيدەنتتىك تاقتان ءوز ەركىمەن باس تارتۋ، كەز كەلگەن ادامنىڭ قولىنان كەلە بەرمەيتىن ءىس دەيدى. ال ەرماحان ىبىرايىموۆ پرەزيدەنتتىڭ وكىلەتتىگىن توقتاتۋ تۋرالى شەشىمىنە قاتتى قينالعانىن جاسىرمادى.

«كەشەگى تاريحي ماڭىزى بار ۇلكەن قۇبىلىس بولدى بۇكىل قازاق ەلىندە. ءبارىمىز دە كۇتپەگەن ەلباسىنىڭ شەشىمى. مىناۋ تاريحتا ماڭگىلىك قالادى دەپ ويلايمىن. بۇل اركىمنىڭ قولىنان كەلمەيدى»، - دەدى وليمپيادا چەمپيونى جاقسىلىق ۇشكەمپىروۆ.

«مەن ءوزباسىم قينالىپ، وكىنىشپەن، قيماستىقپەن قابىلدادىم. نەگە دەسەڭىز سونشا جىل، 30 جىل باسقارىپ، تۇمسىقتىعا شوقتىرماي، قاناتتىعا قاقتىرماي ءبىزدىڭ ەلىمىزدى باسقارىپ كەلدى. قازاقستاندى دۇنيەجۇزىنە بەلگىلى مەملەكەت جاسادى»، - دەيدى وليمپيادا چەمپيونى ەرماحان ىبىرايىموۆ.

ال، قاسىمجومارت توقايەۆ پرەزيدەنت بولۋعا لايىق تۇلعا، جاڭا باستامالار بولادى دەپ ۇمىتتەنەدى.

«جاقسىلىق كۇتەمىز قاسىم- جومارت توقايەۆقا سەنەمىن، اقىلدى جىگىت. جاس ءالى وڭدى- سولىن بىلەدى. سوندىقتان جان- جاعىندا كومانداسى بار، جينايدى. جاڭا باستامالار بولار. جاقسىلىقتار بولار. كۇتەمىز»، - دەدى ءاسانالى ءاشىموۆ.

«مەن ويلايمىن ول كىسى قازاقستاندى ارى قاراي دامىتىپ، دومالاتىپ الىپ كەتەدى. جانە نۇرسۇلتان ءابىش ۇلىنىڭ كورسەتكەن جولىن ارى قاراي كورسەتىپ، ءبىزدى ءبىر كىسىنىڭ بالاسىنداي ارى قاراي دامىتادى دەپ سەنەمىن»، - دەيدى ەرماحان ىبىرايىموۆ.

نۇرسۇلتان نازاربايەۆ سپورت پەن مادەنيەت سالاسىنا كوڭىل ءبولىپ، قىرۋار جۇمىس تىندىرعانى ءمالىم، ەندى جاڭا پرەزيدەنت تە وسى سالانى نازاردان تىس قالدىرمايدى دەپ ۇمىتتەنەمىز دەيدى، ەل اعالارى.


باستى سوزدەر:
:ءبولىسۋ

اأتور:

novasa

پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات