پرەزيدەنت وكىلەتتىگى بەيبىت ءارى وركەنيەتتى تۇردە اۋىستى - داۋرەن ابايەۆ

استانا. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ ەلباسى نۇرسۇلتان نازاربايەۆتىڭ پرەزيدەنتتىك وكىلەتتىگىن توقتاتۋى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.
«بۇگىن تاريحي وقيعانىڭ كۋاسى بولدىق. بيلىك وكىلەتتىگى جاڭا پرەزيدەنتكە بەرىلدى. بۇل پروتسەسس بەيبىت تۇردە، ەڭ باستىسى وركەنيەتتى تۇردە جۇرگىزىلدى. ءتىپتى بۇل كۇنى «تۇمار - 2019» ماراپاتىن تابىستاپ جاتىرمىز. نۇرسۇلتان ءابىش ۇلى اتقارعان شارۋا از ەمەس، بۇل تۋرالى ۇزاق ايتۋعا بولادى. نۇرسۇلتان نازاربايەۆ داۋىرىندە ءبىزدىڭ تەليەۆيزيانىڭ قالىپتاسقانىن جانە ماراپاتتاۋ ءوتىپ جاتقان عيماراتتىڭ (قازمەديا ورتالىعى - رەد. ) تۇرعىزىلعانىن اتاپ وتكەن ءجون. قازاقستاننىڭ تۇڭعىش پرەزيدەنتى نۇرسۇلتان نازاربايەۆقا ەرەكشە العىس ايتقىم كەلەدى»، - دەدى داۋرەن ابايەۆ استانادا «تۇمار» ۇلتتىق تەليەۆيزيالىق بايگەسىنىڭ ماراپاتتاۋ راسىمىندە.
ايتا كەتەيىك، ەلوردانىڭ «قازمەديا» ورتالىعىندا «تۇمار» ۇلتتىق تەليەۆيزيالىق بايگەسىنىڭ سالتاناتتى ءراسىمى باستالدى.
بيىلعى جىلى بايقاۋ 9 نوميناتسيا بويىنشا وتكىزىلەدى. ۇمىتكەرلەر، «ۇزدىك تەليەۆيزيالىق سەريال» ، «ۇزدىك الەۋمەتتىك جوبا» ، «ۇزدىك دەرەكتى فيلم» ، «ۇزدىك اقپاراتتىق- تالداۋ باعدارلاماسى» ، «تەليەۆيزيالىق ماۋسىمنىڭ ۇزدىك وقيعاسى» ، «ۇزدىك ويىن- ساۋىق جوباسى» ، «ۇزدىك وڭىرلىك تەلەجوبا» ، «ۇزدىك تەلەجۋرناليست» ، «ۇزدىك تەلەجۇرگىزۋشىسى» اتالىمدارىندا باق سىنايدى.
- ءال- فارابي اتىنداعى مەملەكەتتىك سىيلىقتىڭ يەگەرلەرى بەلگىلى بولدى
- جازۋشى قوعام سۇرانىسىنا باس يەتىن بولسا، ادەبيەت قۇلدىرايدى - داۋلەتكەرەي كاپ ۇلى
- اسكەري قىزمەتشىلەر ارنايى دايىندىقتان ءوتىپ جاتىر
- جول اپاتىندا ادام ءولىمىن قالاي ازايتۋعا بولادى - وڭتۇستىك كورەيا تاجىريبەسى
-
قازاقستاندا كولىك جۇرگىزۋ كۋالىگى قانشا تەڭگە تۇرادى؟
-
ساقينانىڭ دەنساۋلىققا پايداسى


