ەلوردا اتاۋىنىڭ جازىلۋى وزگەرىسكە ۇشىراۋى مۇمكىن
«كەشەگى ەلباسىمىزدىڭ تاريحي شەشىمى قازاقستاننىڭ قايتا تۇلەۋىنە سەرپىن بەرىپ، ۇلكەن وزگەرىستەردىڭ ورىن الۋىنا جول اشتى. نۇرسۇلتان نازاربايەۆتىڭ سان قىرلى باتىل باستامالارىنىڭ ءبىرى بۇگىندە ءوزىنىڭ جەكە قولتاڭباسىنا اينالعان ەلوردامىز بولسا كەرەك. سوندىقتان بۇگىن پرەزيدەنت قاسىم- جومارت توقايەۆ ەلوردامىزدىڭ اتىن ونىڭ باس ساۋلەتشىسى ق ر- نىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆتىڭ اتىمەن اتاپ، ماڭگىلىك تاريحقا قالدىرۋدى ۇسىندى» ، - دەپ اتاپ ءوتتى سەسسياعا قاتىسقان ەلوردا اكىمى باقىت سۇلتانوۆ.
سونىمەن قاتار ول ەلوردالىقتار پرەزيدەنت ق. توقايەۆتىڭ قالا اتاۋىن نۇرسۇلتان دەپ اتاۋى ۇسىنىسىن قولدايتىندىعىن باسا ايتتى.
وسىدان كەيىن ءماسليحات دەپۋتاتتارى استانا قالاسىن نۇرسۇلتان قالاسى دەپ اتاۋدى ۇسىنىسقا سالىپ ءبىراۋىزدان قولدادى. ەندى ءماسليحات قالا اتاۋىن «نۇر- سۇلتان» دەپ جازۋ تۋرالى ۇسىنىستى ۇكىمەت پەن رەسپۋبليكالىق كوميسسياعا جىبەرىپ وتىر.