شەتەلگە وقۋعا بارعىم كەلەدى
وسى ماسەلەنى شەشۋگە سەپتىگى تيەر مىناداي شاعىن اقپاراتتىق انىقتاما ۇسىنامىز. ديپلوم: ۋنيۆەرسيتەت تاڭداماس بۇرىن بۇل ەلدىڭ ديپلومى قانشالىقتى ىقپالدى دەگەن ساۋال تۋىندايدى. مەديتسينا مەن زاڭ سالاسىنان باسقا ديپلومدار الەمنىڭ تۇكپىر- تۇكپىرىندە جارامدى. جۇمىس بەرۋشىگە ديپلومنان گورى ءسىزدىڭ تاجىريبەڭىز بەن داعدىلارىڭىز ماڭىزدىراق. ارينە، وقۋ ورنىنا ءمان بەرەتىن ەلدەر دە بار. دەگەنمەن، كوپتەگەن مەملەكەتتەر ءبىر- ءبىرىنىڭ ءبىلىم بەرۋ جۇيەسىنە سىيلاستىقپەن قارايدى.
وقۋ اقىسى: جوعارى ءبىلىمى اقىلى كوپتەگەن مەملەكەتتەردىڭ وقۋ اقىسى ولاردىڭ ءبىلىم كورسەتكىشى، رەيتينگى، قىزمەتكەرلەر مەن ستۋدەنتتەر سانى مەن اۋديتوريالار مەن كامپۋسقا بايلانىستى بولدى. كەيبىر مەملەكەتتەردە وقۋ اقىسىن تولەۋگە قاراپايىم ادامنىڭ جاعدايى جەتسە، كەيبىر جەرلەردە وقۋ اقىسى الدەقايدا جوعارى. تۇسىنىكتى بولۋ ءۇشىن جەرگىلىكتى ۆاليۋتا بويىنشا وقۋ قۇنى مەن ونىڭ قاسىنا ا ق ش دوللارىمەن ەسەپتەگەندە قانشا ەكەنىن كورسەتتىك:
اۋستراليا: 19.000 AUD (14.300 USD) باستاپ؛
ۇلى بريتانيا: 10.000 GBP (12.800 USD) ؛
كانادا: مامانداندىرىلعان كوللەدجدەر 13.000 CAD (9.800 USD) ، ۋنيۆەرسيتتەر 18.000 CAD (13.600 USD)
ا ق ش: كوللەدج 7.000 USD، ۋنيۆەرسيتەت 15.000 USD
جاڭا زەلانديا: كوللەدج 16.000 NZD (11.600 USD) ، ۋنيۆەرسيتتەر 18.000 NZD (13.000 USD)
يرلانديا: 8.000 Euro (9.000 USD)
وقۋ مەرزىمى: باعدارلاماعا ساي ءبىلىم الۋ ۇزاقتىعى ءبىر جىلدان ءتورت جىلعا دەيىن سوزىلۋى مۇمكىن. كرەديتتىك جۇيە بويىنشا ءبىلىم الاتىن ەلدەردە ستۋدەنت قالاۋى بويىنشا ودان دا ۇزاققا سوزىلادى.
ۇلى بريتانيا، جاڭا زەلانديا مەن اۋستراليادا باكالاۆر دارەجەسىن الۋ ءۇشىن ءۇش جىل وقۋ كەرەك. ودان بولەك، شەتەلدىك ستۋدەنتتەر ءبىر جىل دايىندىق كۋرسىن (Foundation) ءوتۋى ءتيىس. ال، ا ق ش، كانادا، يرلانديا سەكىلدى ەلدەر 11 سىنىپتان سوڭ بىردەن قابىلدايدى. ماگيستراتۋرا ۇلى بريتانيا مەن يرلانديادا 1 جىل، قالعان ەلدەردە 1,5-2 جىل ارالىعىن قۇرايدى.
Massaget.kz