+7 (701) 759 90 19
0 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

ورالمانداردىڭ ازاماتتىق الۋ ماسەلەسى جەڭىلدەتىلدى

20 ناۋرىز 17:42
:ءبولىسۋ
ورالمانداردىڭ ازاماتتىق الۋ ماسەلەسى جەڭىلدەتىلدى

استانا. قازاقپارات - قازاقستاندا ازاماتتىق الىپ ۇلگەرمەگەندەر ءۇشىن ورالمان مارتەبەسى ۇزارتىلدى، - دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.

تاۋەلسىزدىك العان ساتتەن باستاپ قازاقستان ەتنيكالىق قازاقتاردىڭ ەلگە ەرىكتى تۇردە ورالۋىن ىنتالاندىرۋ ساياساتىن جۇرگىزەدى.

1991 -جىلدان باستاپ 303 مىڭ وتباسى نەمەسە 1 ميلليون 40 مىڭ ەتنيكالىق قازاق تاريحي وتانىنا ورالدى جانە ورالمان مارتەبەسىن الدى، بۇل ەل حالقىنىڭ 6 پايىزىن قۇرايدى. وسىنىڭ ارقاسىندا كوشى-قوننىڭ تەرىس سالدوسىنىڭ دەڭگەيىن تومەندەتىپ، دەموگرافيالىق وسىمگە قول جەتكىزىلدى. ولاردىڭ كوپشىلىگى قازاقستاندىق ازاماتتىقتى الىپ، باسقا ازاماتتارمەن تەڭدەي ەلىمىزدىڭ الەۋمەتتىك- ەكونوميكالىق دامۋىنا قوماقتى ۇلەس قوسىپ كەلەدى.

قازاقستاندا ەتنيكالىق رەپاتريانتتاردىڭ بەيىمدەلۋى مەن كىرىگۋى ءۇشىن بارىنشا قولايلى جاعدايلار جاسالعان. سونىمەن، ورالمان مارتەبەسىن العاندارعا قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋعا قۇقىعى بار (قالعان شەتەلدىكتەر قازاقستاندا كەمىندە 5 جىل تۇرۋى قاجەت).

سونىمەن قاتار، ورالمان مارتەبەسى ونى العان كۇننەن باستاپ ءبىر جىل وتكەن سوڭ توقتاتىلادى. ورالمان مارتەبەسىن ۇزارتۋ ورالمان مارتەبەسى توقتاتىلعان كۇننەن باستاپ ءۇش ايدان اسپايتىن مەرزىمگە ءوتىنىش بەرگەن كەزدە جەڭىلدەتىلگەن تارتىپپەن ازاماتتىق الۋ ماقساتتارى ءۇشىن عانا كوزدەلەدى.

ءبىراق، بۇگىنگى تاڭدا ورالماندار ۇسىنىلعان ۋاقىت ىشىندە جەڭىلدەتىلگەن تارتىپپەن قازاقستاندىق ازاماتتىعىن الماعان، كورسەتىلگەن جاعدايدىڭ تۋىنداۋ سەبەپتەرىنە قاراماستان، مۇنداي مۇمكىندىكتەن ايىرىلادى. ق ر ەڭبەك جانە حالىقتى الەۋمەتتىك قورعاۋ مينيسترلىگىنە وسى ماسەلەنى شەشۋگە كومەك كورسەتۋ بويىنشا كوپتەگەن وتىنىشتەر كەلىپ تۇسۋدە.

وسىعان بايلانىستى، بيىل 16 -ناۋرىزدا قازاقستان رەسپۋبليكاسىنىڭ پرەزيدەنتى - ەلباسى نۇرسۇلتان نازاربايەۆ ورالماندار مارتەبەسىن جەڭىلدەتىلگەن تارتىپپەن 2019 -جىلدىڭ 31 -جەلتوقسانىنا دەيىن ۇزارتۋ تۋرالى شەشىم قابىلدادى.

وسىلايشا، مارتەبەسى كەشىكتىرىلگەن ورالماندار ونى ۇزارتۋ جانە قازاقستاندىق ازاماتتىعىن الۋ ءۇشىن ىشكى ىستەر ورگاندارىنا قۇجاتتاردى وڭايلاتىلعان تارتىپپەن بەرۋ ءۇشىن جەرگىلىكتى اتقارۋشى ورگاندارعا جۇگىنە الادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات