استانانىڭ اتاۋىن وزگەرتۋ تۋرالى ماسەلە پارلامەنتتە قارالادى

استانا. قازاقپارات - ق ر پارلامەنتى پالاتالارىنىڭ بىرلەسكەن وتىرىسىندا قازاقستان ەلورداسىنا ق ر تۇڭعىش پرەزيدەنتى - ەلباسىنىڭ ەسىمىن بەرۋ تاقىرىبى تالقىلانىپ جاتىر، دەپ حابارلايدى قازاقپارات ءتىلشىسى.

«ق ر كونستيتۋتسياسىنا سايكەس، ۇكىمەت اتا زاڭىمىزعا استانانىڭ اتاۋىن وزگەرتۋ تۋرالى تۇزەتۋ ەنگىزۋ ءۇشىن رەسپۋبليكالىق رەفەرەندۋم وتكىزۋ جونىندە ق ر پرەزيدەنتىنە ۇسىنىس جاسادى. پرەزيدەنت بۇل ۇسىنىستى رەفەرەندۋمعا شىعارماي، پارلامەنتتىڭ قاراۋىنا جىبەرۋ تۋرالى شەشىم قابىلدادى. بۇل ماسەلە بويىنشا كونستيتۋتسيالىق كەڭەس ءوزىنىڭ وڭ قورىتىندىسىن دا بەردى» ، - دەدى پارلامەنت ءماجىلىسىنىڭ ءتوراعاسى نۇرلان نىعماتۋلين.

بۇدان بۇرىن حابارلانعانداي، پرەزيدەنت مىندەتىن ۋاقىتشا اتقارۋعا كىرىسكەن قاسىم- جومارت توقايەۆ استانا قالاسىنىڭ اتاۋىن نۇرسۇلتان دەپ وزگەرتۋ تۋرالى ۇسىنىس جاسادى.