كارىم ءماسىموۆ نۇرسۇلتان نازاربايەۆ جايلى كىتاپ جازباق

استانا. قازاقپارات - ق ر ۇلتتىق قاۋىپسىزدىك كوميتەتىنىڭ باسشىسى كارىم ءماسىموۆ رەسپۋبليكالىق ب ا ق وكىلدەرىنە بەرگەن سۇحباتىندا قازاقستاننىڭ تۇڭعىش پرەزيدەنتى نۇرسۇلتان نازاربايەۆ تۋرالى كىتاپ جازۋ نيەتى بار ەكەنىن ايتتى، دەپ حابارلايدى قازاقپارات ءتىلشىسى.

«نۇرسۇلتان ءابىش ۇلى - ۇلى ادام. ول جايىندا «ەلباسى كومەكشى كوزىمەن» دەپ اتالاتىن كىتاپ جازامىن»، - دەدى ك. ءماسىموۆ.

ونىڭ اتاپ وتۋىنشە، كىتاپ بارىنشا قىزىقتى بولماق.

«جابىق» بەتتەرى بار كىتاپ قىزىقتى بولادى»، - دەدى ق ر ۇ ق ك ءتوراعاسى.

ايتا كەتەيىك، كارىم ءماسىموۆ 2016 -جىلدىڭ 8 -قىركۇيەگىندە ەلىمىزدىڭ ۇلتتىق قاۋىپسىزدىك كوميتەتىنىڭ ءتوراعاسى بولىپ تاعايىندالعان ەدى.

كارىم قاجىمقان ۇلى 2003-2006 -جىلدارى نۇرسۇلتان نازاربايەۆتىڭ كومەكشىسى، پرەمەر- ءمينيستردىڭ ورىنباسارى بولعان ەدى. سونىمەن قاتار ول 2007-2012 جانە 2014-2016 -جىلدارى ەكى رەت ەل ۇكىمەتىن باسقاردى. ق ر پرەزيدەنتى اكىمشىلىگىنە جەتەكشىلىك ەتتى.

ول بىرنەشە مارتە ءوزىن پرەزيدەنتتىڭ كومەكشىسى دەپ اتاعان بولاتىن.

«2007 -جىلى قاڭتاردا، نۇرسۇلتان ءابىش ۇلى، مەنى العاش رەت پرەمەر- مينيستر ەتىپ تاعايىندادىڭىز. سول كەزدە قانداي قىزمەتتە بولسام دا، ءسىزدىڭ ادال كومەكشىڭىز بولامىن دەپ ۋادە بەرگەن ەدىم. نۇرسۇلتان ءابىش ۇلى، بۇگىن قايتا ايتقىم كەلىپ تۇر: مەن ءالى دە ءسىزدىڭ كومەكشىڭىزبىن، ءالى دە شاكىرتىڭىزبىن. قازاقستاندى دامىتۋ بويىنشا ۇلكەن ىستەردى جۇزەگە اسىرۋعا مەنىڭ دە قاتىسۋىما مۇمكىندىك بەرگەنىڭىزبەن ماقتانامىن»، - دەگەن ەدى كارىم ءماسىموۆ 2011 -جىلى.

2014 -جىلدىڭ 2 -ساۋىرىندە قايتا پرەمەر- مينيستر بولعان كارىم ءماسىموۆ ەلباسىنىڭ كومەكشىسى ەكەندىگىن تاعى دا ايتقان ەدى.

«نۇرسۇلتان ءابىش ۇلى، ءسىز 2007 -جىلى مەنىڭ كانديداتۋرامدى ۇسىنعان كەزدە مۇنى العاش رەت ايتقان ەدىم. بۇل جولى تاعى دا قايتالاماقپىن: نۇرسۇلتان ءابىش ۇلى، مەن ءسىزدىڭ كومەكشىڭىز بولدىم، كومەكشىڭىز بولىپ قالا بەرەم جانە بارلىق ۋاقىتتا دا ءسىزدىڭ كومەكشىڭىز بولامىن»، - دەگەن بولاتىن ك. ءماسىموۆ.