+7 (701) 759 90 19 Лента
12 °С : استانا
16 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

بەيجىڭ نازاربايەۆتىڭ پرەزيدەنتتىك وكىلەتتىگىن توقتاۋىنا وراي ۇستانىمىن ءبىلدىردى

20 ناۋرىز 14:36 677
:ءبولىسۋ
بەيجىڭ نازاربايەۆتىڭ پرەزيدەنتتىك وكىلەتتىگىن توقتاۋىنا وراي ۇستانىمىن ءبىلدىردى

استانا. قازاقپارات - قىتاي نۇرسۇلتان نازاربايەۆتىڭ قازاقستان پرەزيدەنتى وكىلەتتىگىن توقتاتۋ شەشىمىنە تۇسىنىستىكپەن قارايدى. بۇل تۋرالى بۇگىن كۇندەلىكتى بريفينگ بارىسىندا ق ح ر سىرتقى ىستەر مينيسترلىگىنىڭ رەسمي وكىلى گەن شۋان ءمالىم ەتتى، دەپ حابارلايدى قازاقپارات ءتىلشىسى.

«نۇرسۇلتان نازاربايەۆ - قازاقستان رەسپۋبليكاسىنىڭ نەگىزىن قالاۋشى، ۇلت كوشباسشىسى. قىتاي تاراپى ونىڭ قابىلداعان شەشىمىنە تۇسىنىستىك تانىتادى. ديپلوماتيالىق قارىم- قاتىناس ورناعان ساتتەن باستاپ 27 جىلدىڭ ىشىندە نۇرسۇلتان نازاربايەۆ قىتاي مەن قازاقستان اراسىنداعى جان- جاقتى ستراتەگيالىق ىنىتماقتاستىق قارىم- قاتىناسىن ىلگەرىلەتۋگە سەپتىگىن تيگىزدى. سونىمەن قاتار «ءبىر بەلدەۋ - ءبىر جول» باستاماسىنا قولداۋ كورسەتىپ، ونىڭ جۇزەگە اسىرىلۋىنا بەلسەندى قاتىستى»، - دەدى گەن شۋان قازاقستاندىق جۋرناليستەردىڭ ساۋالىنا جاۋاپ بەرە كەلە.

ونىڭ اتاپ وتۋىنشە، قازاقستان پرەزيدەنتى لاۋازىمىنا كىرىسكەن قاسىم- جومارت توقايەۆ قىتايدىڭ جاقسى دوسى سانالادى. وسى رەتتە ول قازاقستان جاڭا پرەزيدەنت كەزىندە دە ءوز دامۋىنىڭ جاڭا جەتىستىكتەرىنە جەتەتىندىگىنە، قازاقستاندىق- قىتايلىق قارىم- قاتىناس ودان ارى تابىستى گۇلدەنە تۇسەتىندىگىنە سەنىمدى ەكەندىگىن باسا ايتتى.

 «قازاقستان - قىتايدىڭ ماڭىزدى تاتۋ كورشىلەرىنىڭ ءبىرى. ال قىتاي- قازاقستاندىق قارىم- قاتىناس وتە جوعارى دەڭگەيدە قالىپتاسقان جانە ەكى ەلدىڭ دە مۇددەسىنە ساي كەلەدى. قىتاي قازاقستان رەسپۋبليكاسىنىڭ دامۋ كەلەشەگىنە جانە ەكى جاقتى قارىم- قاتىناستارعا مول سەنىممەن قارايدى»، - دەدى گەن شۋان.

 ايتا كەتەيىك، كەشە نۇرسۇلتان نازاربايەۆ رەسپۋبليكالىق تەلەارنالار ارقىلى قازاقستان حالقىنا ۇندەۋ ارناپ، وندا قازاقستان رەسپۋبليكاسىنىڭ پرەزيدەنتى رەتىندە وكىلەتتىگىن توقتاتاتىندىعىن جاريا ەتكەن ەدى.

ال بۇگىن ق ر پارلامەنتى پالاتالارىنىڭ بىرلەسكەن وتىرىسىندا رەسپۋبليكا پرەزيدەنتى وكىلەتتىگىن ۋاقىتشا اتقاراتىن قاسىم- جومارت توقايەۆ انت بەردى.

اۆتور: سادىق اكيجانوۆ


:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات