+7 (701) 759 90 19 Лента
1 °С : استانا
12 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

استانانىڭ قۇرىلىسى ەلباسىنىڭ تاريحي ەرلىگى سانالادى - قاسىم- جومارت توقايەۆ

20 ناۋرىز 14:07 443
:ءبولىسۋ
استانانىڭ قۇرىلىسى ەلباسىنىڭ تاريحي ەرلىگى سانالادى - قاسىم- جومارت توقايەۆ

استانا. قازاقپارات - استانانىڭ قۇرىلىسى ەلباسىنىڭ تاريحي ەرلىگى سانالادى. بۇل تۋرالى بۇگىن رەسپۋبليكا پرەزيدەنتى وكىلەتتىگىن ۋاقىتشا اتقارۋعا كىرىسكەن قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ق ر تۇڭعىش پرەزيدەنتىنىڭ ارقاسىندا «بولاشاق» باعدارلاماسى جۇزەگە اسىرىلۋدا. الەۋەتى ايرىقشا «نازاربايەۆ» ۋنيۆەرسيتەتى قۇرىلدى. بارلىق وبلىس ورتالىقتارىندا زياتكەرلىك مەكتەپتەر اشىلدى. ەلىمىزدىڭ بارلىق وڭىرلەرىندە قازىرگى زامان تالاپتارىنا ساي زاماناۋي مەكتەپتەر سالىندى. مىڭداعان ازماتتارىمىز شەتەلدە جانە ەل ىشىندە ساپالى جوعارى ءبىلىم الۋ مۇمكىندىگىنە يە بولدى»، - دەدى ق. توقايەۆ.

ق ر پرەزيدەنتى ەلباسىنىڭ ارقاسىندا ەلىمىزدە دەنساۋلىق سالاسى دا جوعارى ساپاعا كوتەرىلگەنىن اتاپ ءوتتى. نۇرسۇلتان ءابىش ۇلى نازاربايەۆتىڭ باستاماسىمەن ىسكە اسىرىلعان «مادەني مۇرا» باعدارلاماسى قازاقستان مادەنيەتىنىڭ دامۋ قارقىنىنا مىقتى سەرپىن بەرگەنىن ايتتى. قوجا احمەت ياساۋي كەسەنەسى، تامعالى ەسكەتكىشتەرى جانە باسقا دا تاريحي نىسانداردىڭ يۋنەسكو دۇنيەجۇزىلىك مۇرالارىنىڭ تىزىمىنە ەنۋى - حالقىمىز ءۇشىن ەرەكشە ماڭىزدى وقيعا بولعانىنا نازار اۋدارتتى.

«جاڭا ەلوردامىزدىڭ بوي كوتەرۋىندە تۇڭعىش پرەزيدەنتىمىزدىڭ ءرولى ايرىقشا زور. استانانىڭ قۇرىلىسى ەلباسىنىڭ تاريحي ەرلىگى سانالادى. باس قالامىز تاۋەلسىز ەلىمىزدىڭ شىنايى بەت- بەينەسىنە، حالقىمىزدىڭ ماقتانىشىنا اينالدى. ەلوردا جاڭا مەملەكەتتىڭ يدەولوگياسى رەتىندە كيەلى ۇعىمعا يە بولدى. ەل استاناسى شىن مانىندە وتكەننىڭ قۇندىلىقتارىن دارىپتەي وتىرىپ، كۇللى الەمگە قازاقستاننىڭ جاڭا بەينەسىن پاش ەتتى. استانا سامميتتەر جانە باسقا دا ماڭىزدى حالىقارالىق كەزدەسۋلەر وتەتىن ءىرى ورتالىققا اينالدى»، - دەدى مەملەكەت باسشىسى.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات