+7 (701) 759 90 19
-20 °С : نۇر-سۇلتان
-9 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

ەلباسىنىڭ تاباندى ەڭبەگىنىڭ ارقاسىندا حالقىمىز تۋعان جەردىڭ زاڭدى يەسى سەزىندى - توقايەۆ

20 ناۋرىز 13:30
:ءبولىسۋ
ەلباسىنىڭ تاباندى ەڭبەگىنىڭ ارقاسىندا حالقىمىز تۋعان جەردىڭ زاڭدى يەسى سەزىندى - توقايەۆ

استانا. قازاقپارات - ەلباسىنىڭ تاباندى ەڭبەگىنىڭ ارقاسىندا حالقىمىز تولعاۋى توقسان، تاۋقىمەتى مول تاريحىندا ءوزىن تۇڭعىش رەت تۋعان جەردىڭ زاڭدى يەسى سەزىندى.

بۇل تۋرالى بۇگىن رەسپۋبليكا پرەزيدەنتى وكىلەتتىگىن ۋاقىتشا اتقارۋعا كىرىسكەن قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«نۇرسۇلتان ءابىش ۇلى نازاربايەۆ تاۋەلسىزدىكتىڭ العاشقى جىلدارىنان باستاپ حالىقتىڭ الەۋمەتتىك احۋالىن كوتەرۋگە باعىتتالعان، نارىقتىق ەكونوميكاسى بار قۋاتتى ەگەمەن مەملەكەت قۇرۋ ىسىنە بىلەك سىبانا كىرىستى. تايعاق كەشكەن وسى قيلى جولدا تەڭدەسسىز تابىستارعا قول جەتكىزدى. ەلباسىنىڭ ءار جولداۋى اسىرەسە، 2018-جىلدىڭ ناۋرىز ايىنداعى جانە قازان ايىنداعى ۇندەۋىنىڭ نەگىزگى باعىتتارى، سونداي-اق Nur Otan پارتياسىنىڭ 18-سەزىندە سويلەگەن ءسوزى حالىقتىڭ قامىن كوزدەگەن شىنايى جاناشىرلىقتىڭ ايعاعى بولىپ تابىلادى. بۇل قۇجاتتاردا ەل ازاماتتارىنا الەۋمەتتىك قولداۋ كورسەتۋدىڭ شەتەل مەملەكەتتەرىندە بالاماسى جوق بىرەگەي شارالارى كورىنىس تاپقان»، - دەدى ق. توقايەۆ.

سونداي-اق ق ر پرەزيدەنتى تاۋەلسىزدىكتىڭ ارقاسىندا قول جەتكىزگەن تابىستار، قازاقستان حالقىنىڭ ورتاق تاريحي تاعدىرى «ماڭگىلىك ەل» تۇجىرىمداماسىندا ايقىن كورسەتىلەتىندىگىن ايتتى. بۇل قۇجاتتىڭ وزەگىندە بارشاعا ورتاق ماقسات، ورتاق مۇددە، حالقىمىزدىڭ ورتاق كەلەشەگى ۇيلەسىم تاپقان. ەلباسىنىڭ ۇسىنىسىمەن ۇلت بىرلىگىن نىعايتۋ جولىندا قۋاتى كۇشكە اينالعان «ماڭگىلىك ەل» پاتريوتتىق اكتىسى قابىلداندى.

«تاۋەلسىزدىك جىلدارىنىڭ ىشىنە ۇلتتىق يدەيالارعا جانە تۋعان جەردىڭ قاسيەتتى توپىراعىنا ادال، وتانعا دەگەن شىنايى سۇيىسپەنشىلىك رۋحىندا تاربيەلەنگەن جاس ازاماتتاردىڭ تۇتاس ءبىر بۋىنى قالىپتاستى. بۇل ورايدا ەلباسى جۇزەگە اسىرعان جاستار ساياساتى، مازمۇنى بىرەگەي «رۋحاني جاڭعىرۋ» جانە «ۇلى دالانىڭ جەتى قىرى» اتتى ماقالالارى وڭ ىقپال ەتتى. ەلباسىنىڭ تاباندى ەڭبەگىنىڭ ارقاسىندا حالقىمىز تولعاۋى توقسان، تاۋقىمەتى مول تاريحىندا ءوزىن تۇڭعىش رەت تۋعان جەردىڭ زاڭدى يەسى سەزىندى. بارشامىزدىڭ جۇرەگىمىزدى وتان ءۇشىن ماقتانىش سەزىمى كەرنەدى»، - دەدى ق. توقايەۆ.

مەملەكەت باسشىسى «قازاقستان-2050» ستراتەگياسى، «نۇرلى جول» جاڭا ەكونوميكالىق ساياساتى، «100 ناقتى قادام» - ۇلت جوسپارى ەلىمىزدى جاڭعىرتۋعا قازاقستاننىڭ ەكونوميكالىق الەۋەتىن ودان ارى نىعايتۋعا باعىتتالعانىن ايتتى.

«بۇل حالىقارالىق ارەناداعى تۇراقسىزدىق پەن داعدارىستار احۋالىندا اسا ماڭىزدى اقيقات. قازىرگى قازاقستان - بۇل نارىقتىق ەكونوميكاسى بار، دەموكراتيالىق، زايىرلى مەملەكەت. ەلىمىزدە جەكەمەنشىك ينستيتۋتى ورنىقتى قالىپتاستان. ورتا تاپتىڭ جاعدايى جانە كاسىپكەرلىك قارقىندى دامۋ ۇستىندە. بارلىق وزەكتى الەۋمەتتىك- ەكونوميكالىق ماسەلەلەر ۋاقىتىلى شەشىمىن تابۋدا»، - دەدى ق ر پرەزيدەنتى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات