قاسىم- جومارت توقايەۆ قازاقستان حالقىنا انت بەردى
«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، قازاقستان رەسپۋبليكاسى پرەزيدەنتىنىڭ وزىمە جۇكتەلگەن مارتەبەلى مىندەتىن ادال اتقارۋعا سالتاناتتى تۇردە انت ەتەمىن»، - دەدى قاسىم- جومارت توقايەۆ.
ايتا كەتەيىك، بىرلەسكەن وتىرىسقا ق ر تۇڭعىش پرەزيدەنتى - ەلباسى نۇرسۇلتان نازاربايەۆ، ۇكىمەت مۇشەلەرى، پرەزيدەنتكە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، قازاقستاندا تىركەلگەن شەتەلدىك ميسسيالاردىڭ باسشىلارى، سەنات دەپۋتاتتارى، ءماجىلىس دەپۋتاتتارى قاتىسىپ وتىر.
قاسىم- جومارت كەمەل ۇلى 1953 -جىلى تۋعان. ماسكەۋ مەملەكەتتىك حالىقارالىق قاتىناستار ينستيتۋتىن، بەيجىڭ لينگۆيستيكالىق ينستيتۋتىن (ق ح ر)، رەسەي فەدەراتسياسى سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ق ر پرەمەر- ءمينيسترى، مەملەكەتتىك حاتشى، سىرتقى ىستەر ءمينيسترى، ءۇشىنشى، ءتورتىنشى سايلانىمداعى ق ر پارلامەنتى سەناتىنىڭ ءتوراعاسى، ب ۇ ۇ باس حاتشىسىنىڭ ورىنباسارى، ب ۇ ۇ- نىڭ جەنيەۆاداعى بولىمشەسىنىڭ باس ديرەكتورى، قارۋسىزداندىرۋ كونفەرەنسياسىنىڭ باس حاتشىسى قىزمەتتەرىن اتقارعان. 2013 -جىلعى 16 - قازاندا ق ر پرەزيدەنتىنىڭ جارلىعىمەن پارلامەنت سەناتىنىڭ دەپۋتاتتىعىنا تاعايىندالىپ، سەنات ءتوراعاسى بولىپ سايلاندى.
2017 -جىلعى 14 - قىركۇيەكتە ق ر پارلامەنتى سەناتىنىڭ وتىرىسىندا پرەزيدەنتتىڭ ۇسىنىسى بويىنشا جاسىرىن داۋىس بەرۋ ارقىلى قاسىم- جومارت كەمەل ۇلى توقايەۆ سەناتتىڭ ءتوراعاسى بولىپ قايتادان سايلاندى.
اۆتور: مارلان جيەمباي