+7 (701) 759 90 19 Лента
8 °С : استانا
13 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

ەرلان قارين: نۇرسۇلتان نازاربايەۆتا قانداي مارتەبە مەن وكىلەتتىك ساقتالادى

20 ناۋرىز 12:29 417
:ءبولىسۋ
ەرلان قارين: نۇرسۇلتان نازاربايەۆتا قانداي مارتەبە مەن وكىلەتتىك ساقتالادى

استانا. قازاقپارات - «قازاقستان» تەلەراديوكورپوراتسياسىنىڭ باسقارما ءتوراعاسى، بەلگىلى ساياساتتانۋشى ەرلان قارين ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ مارتەبەسىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

 «ەندى نۇرسۇلتان نازاربايەۆتا قانداي مارتەبە مەن وكىلەتتىك ساقتالادى؟ پرەزيدەنتتىك وكىلەتتىگى توقتاعاننان كەيىن نۇرسۇلتان نازاربايەۆ تۇڭعىش پرەزيدەنت - ەلباسى مارتەبەسىنە اۋىستى. بۇل ساياسي- قۇقىقتىق مارتەبە «قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» كونستيتۋتسيالىق زاڭمەن بەكىتىلگەن. اتالعان زاڭ كونستيتۋتسيالىق ەكەنىن ەرەكشە اتاپ وتكەن ءجون. ول 2000 -جىلدىڭ شىدەسىندە قابىلدانىپ، 2010 جانە 2017 -جىلدارى تولىقتىرىلدى. ونىڭ ىشىندە باستاپقىداعى «تۇڭعىش پرەزيدەنت» ساياسي- قۇقىقتىق مارتەبەسى ەلباسى مارتەبەسىمەن كەڭەيتىلدى. زاڭدا پرەزيدەنتتىك وكىلەتتىلىك توقتاعاننان كەيىن، نۇرسۇلتان نازاربايەۆتىڭ ايرىقشا قۇزىرەتى مەن كەپىلدىكتەرى، سونداي- اق ساياسي ءارى قۇقىقتىق جاعدايى بەلگىلەنگەن»، - دەپ جازدى ە. قارين Telegram-داعى پاراقشاسىندا.

وسى ورايدا ە. قارين اتالعان زاڭعا سايكەس، تۇڭعىش پرەزيدەنت - ەلباسى قاۋىپسىزدىك كەڭەسىن، قازاقستان حالقى اسسامبلەياسىن باسقاراتىنىن، كونستيتۋتسيالىق كەڭەستىڭ قۇرامىنا ەنەتىنىن ەسكە سالدى. سونىمەن قاتار، ەلباسى ەل ءۇشىن ماڭىزدى ماسەلەلەردى تالقىلاۋ كەزىندە پارلامەنتتە، ۇكىمەت وتىرىستارىندا ءسوز سويلەۋگە قۇقىلى.

نۇرسۇلتان نازاربايەۆ مەملەكەتتىك قۇرىلىس، ىشكى جانە سىرتقى ساياسات، سونداي- اق ەل قاۋىپسىزدىگىنە قاتىستى ماڭىزدى ماسەلەلەر بويىنشا باستامالارمەن قازاقستان حالقىنا، مەملەكەتتىك ورگاندار مەن لاۋازىمدى تۇلعالارعا ۇندەۋ جاساي الادى. مۇنىمەن قوسا، ن. نازاربايەۆتىڭ باستامالارى مەملەكەتتىك ورگاندارمەن، لاۋازىمدى تۇلعالارمەن قاراستىرۋعا مىندەتتى بولىپ سانالادى. مەملەكەتتىك ساياساتتىڭ نەگىزگى باعىتتارى بويىنشا باستامالار مىندەتتى تارتىپتە ونىمەن بىرگە كەلىسۋگە جاتادى.

تۇڭعىش پرەزيدەنت- ەلباسى قىزمەتىن قامتاماسىز ەتۋ ءۇشىن كەڭسە قۇرىلادى. نۇرسۇلتان نازاربايەۆتىڭ قاۋىپسىزدىگىن قامتاماسىز ەتۋ ق ر مەملەكەتتىك كۇزەت قىزمەتى بولىمشەسىنە جۇكتەلەدى.

«قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» كونستيتۋتسيالىق زاڭدا بەكىتىلگەن ايرىقشا قۇزىرەتتەن بولەك، نۇرسۇلتان نازاربايەۆ Nur Otan پارتياسىنىڭ ءتوراعاسى بولىپ قالا بەرەدى. پارتيا مۇشەلەرى پارلامەنت پەن جەرگىلىكتى اتقارۋشى ورگانداردا باسىم كوپشىلىككە يە. ءبىر سوزبەن ايتقاندا، الەمدىك ساياسي تاريحتا جاڭا فەنومەن پايدا بولدى - ول ساياسي كوشباسشىلىقتىڭ قازاقستاندىق مودەلى»، - دەپ ءتۇيدى ەرلان قارين.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات