+7 (701) 759 90 19 Лента
8 °С : استانا
13 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

وتىز جىل ەلدى باسقارعان، بارلىق ەلمەن دوس بولعان - جۇلدىزدار نازاربايەۆقا جىر ارنادى

20 ناۋرىز 11:29 328
:ءبولىسۋ
وتىز جىل ەلدى باسقارعان، بارلىق ەلمەن دوس بولعان - جۇلدىزدار نازاربايەۆقا جىر ارنادى

استانا. قازاقپارات - قازاقستاننىڭ ونەر جۇلدىزدارى ەلباسى نۇرسۇلتان نازاربايەۆقا العىس ءبىلدىردى، دەپ حابارلايدى قازاقپارات.

جىگىتتەر پروديۋسەرلىك ۇجىمى مەن ۇجىم جەتەكشىسى ەرعالي ءابدىرايىموۆ ەلباسىنىڭ تاريحي مالىمدەمە جاساعانىن اتاپ ءوتتى.

«اسا مارتەبەلى نۇرسۇلتان ءابىش ۇلى! كەمەڭگەرلىگىڭىزبەن كەيىنگىلەرگە كورسەتكەن ۇلگىڭىز جانە ىزگى دارا جولىڭىز ءۇشىن، ەلىمىزدىڭ ەگەمەندىگى مەن تۇعىرلى تاۋەلسىزدىگى ءۇشىن وزىڭىزگە دەگەن قۇرمەتىمىز شەكسىز! ەلىڭىز سىزگە ريزا، تۇڭعىش پرەزيدەنت!»، - دەپ جازدى ەرعالي ءابدىرايىموۆ.

سونىمەن بىرگە، جىگىتتەر كۆارتەتىنىڭ ءانشىسى ەردوس قانايەۆ دومبىرامەن جىر ارنادى.

«وتىز جىل ەلدى باسقارعان،

بارلىق ەلمەن دوس بولعان

ەلباسىمىز حالىقتىڭ

جۇرەگىنەن كەتپەيدى»، - دەدى ە. قانايەۆ.

مۋزارت توبىنىڭ ءانشىسى ساكەن مايعازيەۆ تە تۇڭعىش پرەزيدەنتكە دەگەن قيماستىق سەزىمىن جاسىرمادى.

«الەم ساناسقان، ساياسات ساحناسىندا سالماعى باسىم ساناۋلىلاردىڭ ساناتىنداعى ەلباسىمىزعا دەگەن قيماستىق سەزىم باسىم بولىپ تۇر. بەيبىتشىلىكتىڭ بەسىگىندە تەربەتكەنىڭىز ءۇشىن، قازاق حالقى جولىندا ەتكەن ەڭبەكتەرىڭىز ءۇشىن مىڭ العىس»، - دەيدى س. مايعازيەۆ.

ءوز كەزەگىندە ونەر مەن سپورتتى قاتار الىپ جۇرگەن يبراگيم ەسكەندىر ەلباسىعا بارشا قازاق جاستارى اتىنان العىس ايتتى.

«قازاقتىڭ ماڭدايىنا بىتكەن تۇلعاسىز، ارپالىسقان زاماندا حالقىن بەيبىت كۇنگە باستاعان ناعىز باتىرسىز! جاساعان جاقسىلىعىڭىز ولشەۋسىز. جاقسىلىعىڭىزدى ۇمىتپايمىز»، - دەدى ءانشى.

سونداي-اق، تانىمال تەلەجۇرگىزۋشى ءلايلا سۇلتان قىزى ەلباسىنا العىس ايتۋ ەستافەتاسىن باستادى.

«قازاقستان اتتى شاڭىراقتىڭ بەرەكەسىن شايقالتپاي، بىرلىگىن شاشپاي، كوشىن العا سۇيرەپ كەلگەن ۇلت كوشباسشىسىنا شىن جۇرەكتەن العىس ايتامىن جانە شىنايى العىسقا بولەيىك دەگەن نيەتپەن #العىس ايتۋ #challenge-ءىن باستاعىم كەلەدى (...) ءسىزدىڭ دە العىس ايتار كەم دەگەندە 10 سەبەبىڭىز بار. ەندەشە العىسىڭىزدى جازىپ، #01_one_love دەگەن حەشتەگپەن بەلگىلەي كەتىڭىز»، - دەپ ۇسىنىس ءبىلدىردى ءلايلا سۇلتان قىزى.

ايتا كەتەيىك، نۇرسۇلتان نازاربايەۆ پرەزيدەنتتىك وكىلەتتىگىن توقتاتاتىنىن مالىمدەدى. ول قازاقستاندى وتىز جىلعا جۋىق باسقاردى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات