ديماش قۇدايبەرگەن: ەلباسى جولى جارقىن بولاشاققا اپارادى
«نۇرسۇلتان ءابىش ۇلى نازاربايەۆ وتە كەرەمەت ادام. ويتكەنى ول ەلىمىزدى جاڭارتىپ، كوركەيتتى. قازاقستان رەسپۋبليكاسىن الەمگە تانىتتى. ەلباسىمىزدىڭ جىل سايىنعى حالىققا ارنالعان ءار جولداۋى بىزگە كۇش-قۋات بەرۋمەن قاتار، حالىقتىڭ ءال-اۋقاتىن، ەكونوميكامىزدىڭ نىعايۋىن، ازاماتتارعا مەملەكەتتىك قىزمەت كورسەتۋ ساپاسىنىڭ ارتۋىن، كومپيۋتەرلىك ساۋاتتىلىعىن كوتەرىلۋىن، جاستاردىڭ بىلىمگە دەگەن قۇشتارلىعىنىڭ كەڭەيۋىن كوزدەيدى»، - دەدى ول.
وسى ورايدا ديماش تۇڭعىش پرەزيدەنتتىڭ «رۋحاني جاڭعىرۋ: بولاشاققا باعدار»، «ۇلى دالانىڭ جەتى قىرى» حالىققا ناقتى باعدار بەرىپ، قازاقستاندىقتاردى ۇلكەن تابىستارعا جەتۋگە يتەرمەلەيتىن باعدارلامالار ەكەندىگىن باسا ايتتى.
«بۇل باعدارلامالار مەنىڭ ۇلكەن ماقساتتارعا جەتۋىمە، مادەنيەت، ءبىلىم كوكجيەگىمدى كەڭەيتۋگە مولىنان جول اشتى دەپ ايتا الامىن. سونىڭ ايعاعى - الەمگە تۋعان ەلىم، كەڭ بايتاق جەرىمدى ونەرىم ارقىلى پاش ەتىپ، قازاقتىڭ مارتەبەسىن كوتەرۋگە ۇمتىلىسىم. بىزگە، جاستارعا وسىنداي كەرەمەت مۇمكىندىكتەر تۋعىزعان، تاۋەلسىز مەملەكەتىمىزدىڭ جەتىستىكتەرىنىڭ باسى-قاسىندا بولعان ەلباسىمىزعا شىن نيەتىممەن، زور العىسىمدى بىلدىرگىم كەلەدى. ءسىز باستاپ، كورسەتىپ بەرگەن جول - وتانىمىزدىڭ جارقىن بولاشاعىنا اپاراتىن جول ەكەنىنە كامىل سەنەمىن!»، - دەدى ديماش قۇدايبەرگەن.