نۇرسۇلتان نازاربايەۆ ءبىرقاتار ەلدىڭ باسشىلارىمەن تەلەفون ارقىلى سويلەستى
نيكول پاشينيان نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي قيماستىق نيەتىن ءبىلدىردى.
ارمەنيا پرەمەر-ءمينيسترى نيكول پاشينيان نۇرسۇلتان نازاربايەۆتىڭ ەكى ەل اراسىنداعى ءوزارا تابىستى ىقپالداستىقتى دامىتۋعا ەلەۋلى ۇلەس قوسقانىن اتاپ ءوتتى.
سونداي-اق، نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆپەن تەلەفون ارقىلى سويلەستى.
شاۆكات ميرزيەيەۆ نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي زور قيماستىق نيەتىن ءبىلدىردى.
وزبەكستان پرەزيدەنتى شاۆكات ميرزيەيەۆ نۇرسۇلتان نازاربايەۆتى «وسىنداي ماڭىزدى شەشىم قابىلداي بىلەتىن ۇلى ساياساتكەر ءارى پرەزيدەنت» دەپ اتادى.
ەلدەر كوشباسشىلارى الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.
سونىمەن قاتار، نۇرسۇلتان نازاربايەۆ قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن تەلەفون ارقىلى سويلەستى.
سوورونباي جەەنبەكوۆ نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي قيماستىق نيەتىن ءبىلدىردى.
قىرعىزستان پرەزيدەنتى سوورونباي جەەنبەكوۆ نۇرسۇلتان نازاربايەۆتىڭ ەكى ەل حالىقتارى اراسىنداعى باۋىرلاستىق قارىم-قاتىناستاردى نىعايتۋعا زور ۇلەس قوسقانىن اتاپ ءوتتى.
ەلدەر كوشباسشىلارى الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.