ازەربايجاندىق تەلەجۇرگىزۋشى، رەسەيلىك ساياساتتانۋشى ق ر تۇڭعىش پرەزيدەنتىنە العىس ءبىلدىردى

استانا. قازاقپارات - الەۋمەتتىك جەلىدە ەلباسى نۇرسۇلتان نازاربايەۆتىڭ پرەزيدەنتتىك وكىلەتتىگىن توقتاتۋ تاريحي شەشىمىنە قاتىستى پىكىرلەر كوپتەپ جاريالانۋدا، دەپ حابارلايدى قازاقپارات ءتىلشىسى.

«ازاتتىقتىڭ ارحيتەكتورى بولعان ۇلى ادامنىڭ تاريحي شەشىمى! ءتىپتى كۇنىنە دەيىن ءساتتى ويلاستىرىپ، پاراساتتى قادام جاساعان ەلباسىنىڭ بۇگىنگى ۇندەۋىن تىڭداپ وتىرىپ، تەبىرەنىپ، تۇسىنىكسىز وكسىككە بۋلىقتىم. وسىنداي ەلباسىمىز بولعانى ءۇشىن ماقتانامىن!»، - دەپ جازدى حالىقارالىق تۇركى اكادەمياسىنىڭ پرەزيدەنتى دارحان ءقىدىرالى پاراقشاسىندا.

«ەلباسىنىڭ لاۋازىمنان كەتۋ ءسوزىن تىڭدادىم. قالاي بولعاندا دا، رەسمي تۇردە ەكى تىلدە ۇندەۋ جاساۋ اقىلعا قونىمدى شەشىم بولدى. پوستكەڭەستىك كەڭىستە ءومىر سۇرگەن بۇرىنعى رەسۋبليكالاردىڭ ىشىندە بەلارۋستى قوسپاعاندا كۇردەلى تاريحى بار كوپۇلتتى قازاقستان 29 جىل بويى ۇلتارالىق قاقتىعىسسىز، قان توگىسسىز، سەپراتيمسىز، توڭكەرىسسىز باي-باقۋاتتى ءارى قوعامدىق كەلىسىمدە بولا ءبىلدى. بۇل ۇلتتىق مەملەكەت قۇرۋعا دا ەش كەدەرگى كەلتىرە الماعىنىنا كوز جەتىپ وتىر. ەگەر نازاربايەۆ بولماعاندا جاعداي مۇلدەم باسقا بولار ما ەدى»، - دەپ جازادى رەسەيلىك ساياساتتانۋشى دەنيس شيلنيكوۆ.

«ءبىرىنشى ءارى جالعىز پرەزيدەنت. قازاقستان ءۇشىن نۇرسۇلتان نازاربايەۆتا مۇندايدى ەشكىم جاساعان جوق، جاسايدا المايدى. ونىڭ دانا ساياساتىنىڭ ارقاسىندا قازاقستاندا وسىنشاما ۇلت پەن ۇلىس بەيبىتشىلىكتە ءومىر سۇرۋدە. اللا تاعالا مۇنىڭ بارلىعى ودان ارى جالعاسۋىن جازسىن!»، - دەپ جازدى ازەربايجاندىق تانىمال تەلەجۇرگىزۋشى مەحريبان كاسۋموۆا.