ەلباسىنىڭ وكىلەتتىگىن توقتاتۋى تاريحي شەشىم - ەسەنتۇگەل ەلەۋكەن

None
None
استانا. قازاقپارات - ەلباسىنىڭ پرەزيدەنتتىك وكىلەتتىگىن توقتاتۋى تاريحي شەشىم بولدى. مۇنداي پىكىردى «تاماشا» تەلەارناسى ديرەكتورى ەسەنتۇگەل ەلەۋكەن ءبىلدىردى، دەپ حابارلايدى قازاقپارات ءتىلشىسى.

«ەلباسىنىڭ تاۋەلسىز قازاقستانعا سىڭىرگەن ەڭبەگى ۇشان-تەڭىز ەكەندىگىن جاقسى بىلەمىز. ءبىراق بۇل جولى پرەزيدەنتتىك وكىلەتتىگىن دوعارۋ ءۇشىن جايدان-جاي شەشىم قابىلداي سالعان جوق. قازاقستان حالقىنا ارناعان مالىمدەمەسىندە دە ءاربىر قازاقستاندىقتىڭ جۇرەگىن ەلجىرەتەر ۇلاعاتتى سوزدەر ايتتى. جالپى، ەڭ باستى بايلىعىمىز - تاۋەلسىزدىگىمىز. قالعانى بوس ءسوز. وسى تاۋەلسىزدىگىمىزدى ودان ءارى نىعايتىپ، ءوسىپ-وركەندەگەن ەلدەردىڭ قاتارىنا قوسىلۋ جولىندا تىنباي ەڭبەك ەتۋىمىز كەرەك»، - دەدى ەسەنتۇگەل ەلەۋكەن.

«تاماشا» تەلەارناسىنىڭ ديرەكتورى ەلباسى نۇرسۇلتان نازاربايەۆتى تۇلعا رەتىندە جوعارى باعالاپ، قۇرمەتتەيتىندىگىن اتاپ ءوتتى.

«كەزىندە ءوزىم دە ۇلكەن ۇجىم باسقاردىم، وڭاي ەمەس ەكەندىگىن جاقسى بىلەمىن. بىرەۋدىڭ كوڭىلىنەن شىعۋىڭ كەرەك، ەندى بىرىنە ۇرسىپ تا جاتاسىڭ. ال بۇكىل ەلدى باسقارىپ وتىرعان ازاماتتىڭ بيلىكتەن ءوز ەركىمەن باس تارتۋى تاريحي شەشىم ەكەندىگىندە داۋ جوق. ەندى داۋرىقپاي، ارتىق-اۋىس اڭگىمەگە جول بەرمەي، ۇرانى ءبىر، وركەنيەتكە باستار جولى ورتاق ەل رەتىندە ەلباسىنىڭ بارلىق باستامالارىن ودان ءارى جالعاستىرۋىمىز قاجەت»، - دەدى ول.

سوڭعى جاڭالىقتار