قازاقستان دامۋىنا كۇش-جىگەرىن سالعان ەلباسىنا مىڭ العىس - مۇحتار مانكەيەۆ

None
None
استانا. قازاقپارات - نۇرسۇلتان ءابىش ۇلىنا مىڭ العىس دەپ ايتۋىمىز كەرەك. «قازاقستان-2050» جالپى ۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ پرەزيدەنتتىڭ قازاقستان حالقىنا ارناعان ۇندەۋىنەن كەيىن وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«نۇرسۇلتان ءابىش ۇلىنا قاتىستى توقتالساق، ءبىرىنشى كەزەكتە ويعا «مىڭ العىس» دەگەن پىكىر كەلەدى. سەبەبى ەلىمىزدىڭ دامۋىنا ۇلەسىن قوسىپ، قازاقستاندى وسىنداي دەڭگەيگە جەتكىزىپ بەرگەن ەلباسىعا مىڭ العىس دەپ ايتۋىمىز كەرەك. 1991-جىلدان باستاپ ءوزىنىڭ كۇش-جىگەرىن حالىق ءۇشىن، مەملەكەتتىڭ مۇددەسىنە جۇمسادى. بۇگىندە قازاقستان جەتكەن جەتىستىكتەر، ياعني حالىقارالىق ارەنادا مۇمكىندىكتەرىمىز دە وسىنىڭ دالەلى. الەم ەلدەرى قازاقستاننىڭ بەدەلى مەن الەۋەتىن تانىدى»، - دەدى م. مانكەيەۆ.

سونىمەن قاتار ساراپشى تاۋەلسىزدىك جىلدارىندا ەلىمىز ورتالىق ازيادا ەكونوميكانىڭ لوكوموتيۆىنە اينالعانىن اتاپ ءوتتى.

«اتاپ ايتقاندا، قازاقستاننىڭ ورتالىق ازيادا اشىق مەملەكەت رەتىندە قالىپتاسقانى ەلباسىنىڭ بۇكىل جۇمىسىن كورسەتىپ تۇر. جالپى، قازىرگى كەزدە الەمدەگى وزگەرىستەردى بايقاپ جاتىرمىز، دەگەنمەن دە قازاقستاننىڭ وزىندىك دامۋ جولى بار. پرەزيدەنت ءوزىنىڭ ۇندەۋىندە جاستارعا ەرەكشە ەكپىن قويدى. ياعني ەلىمىزدىڭ دامۋ جولىن، ۇلتتىڭ تۇتاستىعىن ساقتاپ قالۋ - جاستار ءۇشىن ۇلكەن سىن ءارى ماقسات بولىپ تۇر. سوندىقتان جاستار جىلىندا وسى ۇندەۋدە اتالعان ماسەلەلەر ماڭىزدى دەپ بىلەمىن»، - دەدى ول.

ساراپشى ەلدىڭ الدىندا تۇرعان ماقساتتار مەن مىندەتتەردىڭ ورىندالۋى جولىندا جاستار ءوز ۇلەسىن قوسۋعا قاۋقارلى ەكەنىن اتاپ ءوتتى.

«2019-جىلدىڭ 19- ناۋرىزى ءبىز ءۇشىن تاريحي كۇن رەتىندە ەستە قالادى. جالپى، قوعامنىڭ دامۋىنا قارايتىن بولساق، 10 جىل بۇرىنعى جانە قازىرگى قوعامدى سالىستارساق، ولار مۇلدەم بولەك. بۇگىندە ەلىمىزدىڭ الدىندا ءتيىستى ماقساتتار مەن مىندەتتەر تۇرعانى بەلگىلى. سوندىقتان بارشا حالقىمىز جۇمىلا قازاق ەلىنىڭ بولاشاعىنا نەگىزدەلگەن جۇمىستاردى جالعاستىرۋىمىز كەرەك. ۇندەۋدە اتاپ وتىلگەندەي، وتانىمىزدى وركەندەتۋ جولىندا كەلەسى قادامدارىمىزعا ءمان بەرۋىمىز قاجەت. اتاپ ايتقاندا، پرەزيدەنتكە مىڭ العىس!»، - دەدى مۇحتار مانكەيەۆ.

ەسكە سالا كەتسەك، بۇگىن مەملەكەت باسشىسى نۇرسۇلتان نازاربايەۆ رەسپۋبليكالىق تەلەارنالار ارقىلى قازاقستان حالقىنا ارنالعان مالىمدەمەسىندە پرەزيدەنتتىك وكىلەتتىگىن توقتاتاتىنىن جاريا ەتكەن بولاتىن.

سوڭعى جاڭالىقتار