ەكسپو اۋماعىنداعى تۇرعىن ۇيلەردى ساتۋ بويىنشا وتىنىشتەردى قابىلدايتىن كۇن بەكىتىلدى
پاتەرلەردى تاڭداۋ مەن برونداۋ قىزمەتى مىنا سايتتا ونلاين رەجيمدە جۇزەگە اسىرىلادى.
«بۇگىنگى تاڭدا ورىن العان بارلىق تەحنيكالىق كەدەرگىلەر جويىلدى. وتىنىشتەردى قابىلداۋ كەزىندە اقپاراتتىق جۇيەدە ەشقانداي احاۋلىقتاردى بولدىرماۋ ءۇشىن ارنايى ساقتىق شارالارى قولدانىلدى. سونىمەن قاتار سۇرانىستار مەن جۇمىس كۇندەرى حالىقتىڭ قولدارىنىڭ بوساماۋىن نەگىزگە الا وتىرا، وتىنىشتەردى قابىلداۋ مەرزىمىن دەمالىس كۇنىنە اۋىستىرىپ وتىرمىز»، - دەدى باسقارما ءتوراعاسىنىڭ ورىنباسارى اسقاربەك وسەربايەۆ.
ەسكە سالا كەتسەك، ساتىپ الۋشى پاتەردى قولما-قول اقشاعا نەمەسە يپوتەكا رەسىمدەۋ ارقىلى الۋ مۇمكىندىگىنە يە. ەنگىزىلگەن جاڭا مەحانيزم بويىنشا %20 باستاپقى جارنانى تولەۋ ارقىلى 12 جىلعا 3 پايىزدىق ۇستەماقىمەن الۋعا بولادى. ءبولىپ تولەۋ ارقىلى ساتىپ الۋشى تەك 1 پاتەردى ساتىپ الا الادى. كولىك تۇراعىن ساتىپ الۋ اتالمىش جۇيەگە كىرمەيدى.
ەكسپو قالاشىعىنداعى پاتەرلەردىڭ كولەمى 39,6 دان -123,4 شارشى مەترگە دەيىن ءبىر، ەكى، ءۇش جانە ءتورت بولمەلى پاتەرلەردى ساتىپ الۋعا بولادى. باسپانالار Ⅱساناتتاعى بيزنەس جايلىلىققا سايكەس جانە تازا ارلەنگەن. ءبىر شارشى مەتردىڭ باعاسى 399900 تەنگەنى، ال كولىك تۇراعى 735000 تەڭگەنى قۇرايدى.
ءوتىنىش بەرۋ ءۇشىن كەز كەلگەن ازامات ەڭ الدىمەن Digital Baiterek سايتىندا تىركەلۋى كەرەك.
ءوتىنىش بەرۋ ءۇشىن قاجەتتى اقپاراتتىڭ تولىق نۇسقاسىن مىنا سىلتەمەگە ءوتۋ ارقىلى تانىسۋعا بولادى.