باس سانيتارلىق دارىگەر مەرەكە كۇندەرى داستارقانعا قويىلاتىن ەڭ قاۋىپتى تاعامدى اتادى
«كوپ تاعام دايىنداعان كەزدە، مىسالى، سالات جاساعان كەزدە مايونەز جانە ءۇي جاعدايىندا ازىرلەنگەن قايماقتاردى شەكتەۋ كەرەك، سەبەبى ونداي قايماق تۇرلەرى دەنساۋلىققا قاۋىپتى. ارينە، ۇيدە دايىندالعان تاعام ءدامدى بولادى، دەگەنمەن ونىڭ سانى كوپ بولعان جاعدايدا جانە ول ساتىلىمعا شىعارىلعان كەزدە ءونىم گيگيەنا تالاپتارىن بۇزادى»، - دەدى بەكشين بريفينگ بارىسىندا.
ونىڭ ايتۋىنشا، مەيرامداردان كەيىن قازاقستاندىقتار اراسىندا ىشەك ينفەكسياسى مەن ۋلانۋ جاعدايلارى كوپ تىركەلەدى. سوندىقتان باس سانيتارلىق دارىگەر تاعام ونىمدەرىن ساقتاۋ جانە پايدالانۋ مەرزىمدەرىن قاتاڭ ساقتاۋعا كەڭەس بەرەدى. «باعاسى تومەن تاۋارلارعا نازار اۋدارىڭىزدار، تاۋار ارزان بولسا، كۇدىكتەنۋگە بولادى. ول تاۋاردىڭ ساقتاۋ مەرزىمى ءوتىپ كەتەيىن دەپ تۇرعانىن نەمەسە ءتىپتى مەرزىمى ءوتىپ كەتكەنىن بىلدىرەدى»، - دەپ ەسكەرتتى جانداربەك بەكشين.
دەرككوز: Tengrinews.kz