الماتى وبلىستىق «جەتىسۋ» تەلەارناسىندا كينو ءبولىمى اشىلادى
«وزدەرىڭىز بىلەسىزدەر، سوڭعى جىلدارى ءبىزدىڭ ۇجىم كينو ءتۇسىرۋ سالاسىنا اقىرىنداپ بەت بۇرىپ كەلەدى. كورەرمەندەردىڭ كوڭىلىنەن شىققان «قۇدايى قوناق»، «و، ءلايلا!»، «ءبىر ۋىس بيداي»، «وماربەك مەرگەن» اتتى كوركەم فيلمدەر سونىڭ دالەلى»، - دەپ اتاپ ءوتتى تەلەارنا ديرەكتورى بەيسەن قۇرانبەك.
وڭىرلىك كوممۋنيكاتسيالار قىزمەتى ۇيىمداستىرعان باسپا ءسوز ءماسليحاتىندا تەلەكومپانيا جانىنان وبلىستىق «جەتىسۋ» راديوسى ىسكە قوسىلاتىنى دا ءمالىم بولدى. وسى ورايدا بەيسەن اباي ۇلى كەرەكتى بارلىق قۇجاتتار دايىن تۇرعاندىعىن ايتتى. بۇگىندە راديونىڭ تەحنيكالىق بازاسىن جابدىقتاۋعا جەرگىلىكتى بيۋدجەتتەن قارجى قاراستىرىلۋ ۇستىندە ەكەن. قازىر ماماندار جيىلىك الۋ ءۇشىن بايقاۋعا قاتىسۋدا.
ايتا كەتەيىك، «جەتىسۋ» تەلەارناسىنىڭ نەگىزى 1999 -جىلى، ءساۋىر ايىندا الماتى قالاسىندا قالانعان. باستاپقىدا وبلىس اكىمدىگىنىڭ اياداي بولمەسىنەن حابار تاراتا باستاعان تەلەكومپانيا بۇگىندە وزىندىك ورنى بار ۇلكەن شاڭىراققا اينالدى. تەلەارنا ءوزىنىڭ 20 جىلدىق تاريحىندا سان بەلەستى باعىندىرعان. «التىن جۇلدىز»، «ديدار»، «نۇر سۇڭقار» جانە «تۇمار» ۇلتتىق تەلەۆيزيالىق بايقاۋلارىندا كوش باستاعان. 2015 -جىلدان باستاپ، جاڭا عيماراتقا كوشكەن ۇجىم قازىرگى تاڭدا حالىققا تانىمدىق باعدارلامالار ۇسىنىپ، ساپالى حابار تاراتىپ وتىر.
الداعى ۋاقىتتا «جەتىسۋ» تەلەارناسىنىڭ 20 جىلدىق مەرەيتويىنا وراي بىرنەشە شارالار وتپەك. ياعني، 10 - ءساۋىر كۇنى ەلىمىزگە تانىمال ءداستۇرلى انشىلەردىڭ قاتىسۋىمەن مادەنيەت ۇيىندە كونسەرت بولادى. ودان بولەك، ق ر حالىق ءارتىسى ماقپال ءجۇنىسوۆانىڭ جەكە ءان كەشى وتەدى. كونسەرتتەن تۇسكەن قاراجات ءبىر مۇقتاج جانعا بەرىلەدى. ناۋرىزدىڭ 21-دە ب ا ق وكىلدەرىنىڭ قاتىسۋىمەن ۇلتتىق ويىنداردان جارىس وتكىزۋ جوسپارلانىپ وتىر. ال، ءساۋىردىڭ 28 - كۇنى شاعىن فۋتبولدان رەسپۋبليكالىق تۋرنير وتكىزىلمەك. باس جۇلدەنى يەلەنگەن كوماندا 700 مىڭ تەڭگە اقشالاي سىياقىمەن ماراپاتتالادى.
«سۇيىكتى شاھارىمىز تالدىقورعاندى كوگالداندىرۋ ماقساتىندا «جۋرناليستەر اللەياسىن» اشۋ ويىمىزدا بار. قازىر وسىعان ارنايى ورىن قاراستىرۋدامىز. سونداي- اق، «20 جىلدىققا 20 كوشەت» دەگەن باستامامەن عيماراتىمىزدىڭ ماڭىنا جاس كوشەتتەردى وتىرعىزۋ شاراسى ۇيىمداستىرىلماق»، - دەدى ب. قۇرانبەك.
تەلەارنا باسشىسى «جەتىسۋدىڭ» 20 جىلدىعىنا وراي ارنايى كىتاپ شىعاتىنىن دا ايتىپ قالدى. ول جەردە ارنانىڭ قۇرىلعان كۇنىنەن باستاپ، بۇگىنگى تىنىس- تىرشىلىگىنە دەيىن باياندالماق. مەرەيتويدىڭ نەگىزگى سالتاناتتى شاراسى ماۋسىمنىڭ 14 - كۇنى بيكەن ريموۆا اتىنداعى دراما تەاردىڭ جاڭا عيماراتىندا وتەدى. وندا ەڭبەگى سىڭگەن ءبىراز قىزمەتكەرلەرگە اقپارات سالاسىنىڭ ۇزدىگى، وبلىس اكىمىنىڭ قۇرمەت گراموتاسى ۇسىنىلادى.
دانيار ساعىندىق
https://madeniportal.kz