قازپوشتانىڭ قارجىلىق تازا كىرىسى بەلگىلى بولدى

None
None
استانا. قازاقپارات - وتكەن جىلى «قازپوشتا» ا ق- نىڭ كىرىستەرى 11 پايىزعا ارتتى. بۇل تۋرالى استانادا باسپا ءسوز ءماسليحاتىندا باسقارما ءتوراعاسى ساكەن سارسەنوۆ ءمالىم ەتتى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي 2018 -جىلى قازپوشتا 25 جىلدىعىن اتاپ ءوتتى. جىل قورىتىندىلارىمىز دا جامان ەمەس. مىسالى، 2017 -جىلمەن سالىستىرعاندا، كىرىستەرىمىز 11 پايىزعا ءوستى. اقشالاي تۇردە بۇل كورسەتكىش 54,5 ميلليارد تەڭگەنى قۇرادى، ال شىعىستار 54,2 ميلليارد تەڭگەگە جەتتى. وسىلايشا، تازا كىرىس 272 ميلليون تەڭگە قۇرادى»، - دەدى «قازپوشتا» باسشىسى.

 ونىڭ سوزىنە قاراعاندا، بىلتىر كليەنتتەرگە 18,6 ميلليون سالەمدەمە جەتكىزىلگەن، ولاردىڭ 4,7 ميلليون ىشكى نارىققا تيەسىلى.

«2018 -جىلى ءبىز كليەنتتەرگە جاقىن بولۋ ءۇشىن سەرىكتەستىك جەلىسىن ىسكە قوستىق. بۇگىندە «قازپوشتامەن» 160 فرانچايزي كاسىپكەرلەر ىنتىماقتاستىق ورناتىپ، 200 ساۋدا نۇكتەلەرىن اشتى. ولار ارقىلى 2 ميلليارد 600 ميلليون تەڭگە سوماسىندا 493 مىڭ ترانزاكسيا جۇرگىزىلدى»، - دەپ ناقتىلادى س. سارسەنوۆ.

بۇدان بۇرىن حابارلانعانداي، «قازپوشتا» ا ق باسقارما ءتوراعاسى قازاقستان اۋماعىنداعى ەلەكتروندىق كوممەرتسيانىڭ جاعدايىنا قاتىستى تۇسىنىك بەردى.

بەلگىلى بولعانداي، ەلىمىزدە ينتەرنەت ارقىلى ساتىپ الۋشىلار 2,3 ميلليوننان استى.

اۆتور: رۋسلان عابباسوۆ

سوڭعى جاڭالىقتار