الەۋمەتتىك-ەڭبەك قاتىناستارىن رەتتەۋدىڭ ءتيىمدى جۇيەسىن قۇرۋ قاجەت - اسقار مامين

استانا. قازاقپارات - الەۋمەتتىك-ەڭبەك قاتىناستارىن رەتتەۋدىڭ ءتيىمدى جۇيەسىن قۇرۋ قاجەت. بۇل تۋرالى بۇگىن ەڭبەك قاتىناستارىن رەتتەۋ جايى قارالعان ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«بۇگىن ەڭبەك سالاسىنداعى ءبىرقاتار پروبلەمالىق ماسەلەلەر تالقىلاندى. ولاردى شەشۋ ءۇشىن ناقتى شارالار قابىلداناتىن بولادى. الەۋمەتتىك-ەڭبەك قاتىناستارىن رەتتەۋدىڭ ءتيىمدى جۇيەسىن قۇرۋ قاجەت. ەڭبەك مينيسترلىگىنىڭ بارلىق ۇسىنىستارىن قولدايمىن»، - دەدى ۇكىمەت باسشىسى.

ايتا كەتەرلىگى، وتىرىستا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ كاسىپورىندار قىزمەتكەرلەرىنە 1,7 ميلليارد تەڭگە جالاقى قارىز ەكەندىگىن، كاسىپورىنداعى جالاقى جىل سايىن ينفلياتسيا دەڭگەيىندە كوبەيىپ وتىرۋى قاجەتتىگىن ايتقان ەدى.

«قازىرگى تاڭدا 184 مىڭ كاسىپورىندا 958 مىڭ قىزمەتكەردىڭ جالاقىسى ءوستى. ەندىگى مىندەت - اكىمشىلىكتەرمەن، كاسىپوداق، جۇمىس بەرۋشىلەرمەن بىرىگىپ، وسى جۇمىستى جالعاستىرۋ. جالاقى جىل سايىن كەم دەگەندە ينفلياتسيا دەڭگەيىندە ءوسىپ وتىرۋى ءتيىس. جاپپاي قىسقارتۋعا جول بەرمەۋىمىز كەرەك»، - دەدى ب. ساپاربايەۆ.