جاپونياداعى چەمپيونات كەزىندە دەنيس تەن اتىنداعى فوتوكورمە وتەدى

الماتى. قازاقپارات - 20- ناۋرىز كۇنى جاپون قالاسى سايتامادا مانەرلەپ سىرعاناۋدان الەم چەمپيوناتى وتەدى. وعان قازاقستاندىق جاس سپورتشى ەليزابەت تۇرسىنبايەۆا قاتىسادى، دەپ حابارلايدى قازاقپارات ءتىلشىسى.

چەمپيونات اياسىندا 20-24- ناۋرىز ارالىعىندا SAITAMA SUPER ARENA عيماراتىنىڭ 212-213 سەكتورلارىندا دەنيس تەندى ەسكە الۋعا ارنالعان فوتوكورمە وتەدى.

«كورمەگە دەنيس تەن قاتىسقان بارلىق بايراقتى باسەكەلەردىڭ سۋرەتى قويىلادى. سونىمەن قاتار، دەنيس تەن ءوزى نەگىزىن قالاعان مۇز شوۋىنىڭ ساتتەرى، جۇلدىزداردىڭ پورترەتتەرى قويىلادى»، - دەپ جازىلعان دەنيس تەن قورىنىڭ Instagram پاراقشاسىندا.

كورمەنى دەنيس تەن قورى ۇيىمداستىرىپ وتىر.