قازاقستاندا ينتەرنەت ارقىلى تاۋار ساتىپ الاتىنداردىڭ سانى قانشا

استانا. قازاقپارات - «قازپوشتا» ا ق باسقارما ءتوراعاسى ساكەن سارسەنوۆ قازاقستان اۋماعىنداعى ەلەكتروندىق كوممەرتسيانىڭ جاعدايىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«وتكەن جىلى ەلىمىزدە ەلەكتروندىق كوممەرتسيا كولەمى ەلەۋلى تۇردە ارتتى. بۇگىندە قازاقستاندا ەلەكتروندىق كوممەرتسيا سالاسىندا  1700-گە تارتا كاسىپكەر جۇمىس ىستەۋدە. وسى ورايدا 2019 -جىلى بۇل كاسىپكەرلەر سانى بىرنەشە ەسە ارتۋى ءۇشىن بەلسەندى ءىس- قيمىلداردى جۇزەگە اسىرۋدامىز»، - دەدى س. سارسەنوۆ باسپا ءسوز ءماسليحاتىندا.

ونىڭ سوزىنە قاراعاندا، ەلىمىزدە ينتەرنەت ارقىلى ساتىپ الۋشىلار 2, 3 ميلليوننان استى. بۇل كورسەتكىش 2017 -جىلعا قاراعاندا 18 پايىزعا جوعارى.

«ءبىزدىڭ ەلەكتروندىق كوممەرتسيانىڭ ىشكى نارىعى 300 ميلليارد تەڭگەگە دەيىن ءوستى. قازاقستان بويىنشا 35 ميلليون سالەمدەمە جىبەرىلدى، بۇل كورسەتكىش 2017 -جىلداعىدان 60 پايىزعا ارتىق»، - دەدى «قازپوشتا» باسشىسى.

اۆتور: رۋسلان عابباسوۆ