ادەبي «التىن قالام» بايقاۋىنا شىعارمالار قابىلدانا باستادى
دەپ حابارلايدى قازاقپارات ءتىلشىسى.
بايقاۋعا قازاق جانە ورىس تىلىندە جازىلعان تۋىندىلار قابىلدانادى. وقىرماندار قازان ايىنىڭ 1-نە دەيىن داۋىس بەرە الادى.
وقىرماندار تومەندەگى اتالىمدار بويىنشا داۋىس بەرەدى:
1. دارابوز. جىلدىڭ ۇزدىك بالالار جانە جاسوسپىرىمدەر شىعارماسى
2. جىلدىڭ ۇزدىك پوەزياسى
3. جىلدىڭ ۇزدىك پروزاسى
4. ەسەنجول دومبايەۆ اتىنداعى جىلدىڭ ۇزدىك ساتيراسى
5. جىلدىڭ ۇزدىك فانتاستيكا جانە دەتەكتيۆ شىعارماسى
6. جىلدىڭ ۇزدىك كينوستسەنارييى جانە دراماتۋرگياسى
7. ەسەنقۇل مامان ۇلى اتىنداعى سىيلىق قازاق تىلىندە جازىلعان ۇزدىك رومانعا بەرىلەدى.
العاشقى كەزەڭدە شىعارمالار www.akalam.kz ۆەب- سايتىندا ىرىكتەلەدى. وقىرماندار وزىنە ۇناعان جۇمىسقا داۋىس بەرە الادى. akalam.kz سايتىنداعى ونلاين- داۋىس بەرۋ 6 اي بويى جالعاسادى. داۋىس بەرۋ اياقتالعان سوڭ، ءار اتالىم بويىنشا 5 شىعارما تاڭداپ الىنادى. سايىستىڭ ەكىنشى كەزەڭىنە وقىرماندار تاراپىنان ەڭ كوپ داۋىس جيناعان شىعارمالار وتەدى. ودان كەيىن ۇيىمداستىرۋشىلار مەن جوبا سەرىكتەستەرىنەن قۇرالعان قازىلار ءاربىر نوميناتسيا بويىنشا جەڭىمپازداردى انىقتايدى. وتكەن جىلدارداعىداي بايقاۋ بارىسىندا شىعارما اۆتورلارى كورسەتىلمەيدى.
ەسەنقۇل مامان ۇلى اتىنداعى باس جۇلدە - 1 ميلليون تەڭگە قازاق تىلىندە جازىلعان ۇزدىك روماننىڭ اۆتورىنا بۇيىرادى. سونىمەن قاتار، بالالار ادەبيەتىنە ارنالعان «دارابوز» بايقاۋىنىڭ جەڭىمپازىنا - 1 ميلليون تەڭگە بەرىلەدى. قارجىلاي سىيلىقتاردى «ZHERSU» ينۆەستيتسيالىق- وندىرىستىك كورپوراتسياسىنىڭ جەتەكشىسى باۋىرجان وسپانوۆ تاعايىنداپ وتىر.
«التىن قالام 2019» جەڭىمپازدارىنىڭ ەسىمى كۇزدە وتەتىن ماراپاتتاۋ شاراسىندا جاريالانادى.
«التىن قالام» جۇلدەسى 2009 - جىلى العاش رەت ۇيىمداستىرىلدى. ارينە، ول كەزدە بايقاۋدىڭ 10 جىلدىعىن اتاپ وتەمىز، بايقاۋ جىل سايىن وتەتىن ءداستۇرلى بايگەگە اينالادى دەپ ويلاعان جوقپىز. الىس- جاقىن شەتەلدىك اۆتورلار ءوز شىعارمالارىن جونەلتىپ، «التىن قالامعا» قىزىعۋشىلىق تانىتادى دەگەن وي ءۇش ۇيىقتاساق، تۇسىمىزگە كىرمەگەن. كىتاپ دۇكەندەرىنە كىرگەندە بايقاۋ جەڭىمپازدارىنىڭ كىتاپتارىن كورىپ، مارقايىپ قالامىز. «التىن قالام» حالىقتىق بايگەگە اينالعانىن، اۆتورلارىمىزدىڭ قۇرمەتكە بولەنىپ جاتقانىن ماقتان تۇتامىز»، - دەيدى «التىن قالام» ادەبي جۇلدەسىن ۇيىمداستىرۋشىلاردىڭ ءبىرى كەنجە جۇمان ۇلى.
ادەبي تۋىندىلاردى ۇيىمداستىرۋ كوميتەتىنىڭ [email protected] ەلەكتروندىق پوشتالارىنا جولداۋعا بولادى. كونكۋرس جايلى تولىق مالىمەتتى جۇلدەنىڭ رەسمي سايتىنان بىلە الاسىزدار. سايىسقا تۇسكەن بارلىق شىعارما اتالعان سايتتا جاريالانادى.
«دارابوز» بايقاۋىنا 11 جىل ىشىندە شامامەن 1000 اۆتور قاتىستى. ۇزدىك شىعارمالاردان جيناقتالعان «كاۋسار بۇلاق» جانە «چيستىي رودنيك» كىتاپتارى وقىرمان نازارىنا ۇسىنىلدى. جارىق كورگەن كىتاپتار ەلىمىزدەگى مەكتەپتەرگە جانە كىتاپحانالارعا تەگىن تاراتىلدى. بۇل جيناقتار وقۋشىلار مەن ۇستازدارعا، تاربيەشىلەر مەن اتا- انالارعا جانە جالپى وقىرمان قاۋىمعا ارنالعان. بۇل بايقاۋ 2017 -جىلدان بەرى «التىن قالام» ادەبي جۇلدەسى اياسىندا وتكىزىلە باستادى.
قازاق ادەبيەتىنىڭ بۇگىنى مەن بولاشاعىنا بەي- جاي قارامايتىن، قوعامدىق قىزمەتتىڭ ءار سالاسىندا ەڭبەك ەتىپ جۇرگەن دوسىم ساتپايەۆ، قۋات دومباي، كەنجە جۇمان ۇلى، راسۋل جۇمالى جانە ايدوس سارىم سەكىلدى ازاماتتار اقىلداسا كەلىپ، 2009 -جىلى «التىن قالام» ادەبي جۇلدەسىن وتكىزۋ تۋرالى باستاما كوتەرگەن بولاتىن. ولار ەلىمىزدىڭ رۋحاني- مادەني دامۋىنا قازاقستان ازاماتى رەتىندە ۇلەس قوسۋ جانە جاس دارىندار مەن جاڭا ەسىمدەردىڭ قالىڭ جۇرتقا تانىلۋىنا ىقپال ەتۋدى ماقسات ەتتى. كەيىن ۇيىمداستىرۋشىلار قاتارىن ەلىمىزگە بەلگىلى تۇلعالار ارمان شورايەۆ، نۇرجان مۇحامەدجانوۆا تولىقتىردى.
التىن قالام بايقاۋىنىڭ بىلتىرعى جەڭىمپازدارى تۋرالى مىنا سىلتەمەدەن وقي الاسىزدار.
اۆتور: گۇلميرا عوسمانالي