قورعانىس مينيسترلىگىندە اسكەري قاۋىپسىزدىك ماسەلەلەرى جونىندەگى كوميسسيا وتىرىسى ءوتتى
وتىرىسقا ق ر قاۋىپسىزدىك كەڭەسى، ق ر قورعانىس مينيسترلىگى مەن مەملەكەتتىك ورگاندار وكىلدەرى قاتىستى.
جيىن بارىسىندا اسكەري باعىتتاعى سپۋتنيكتىك بايلانىس جانە تەحنولوگيالار ناۆيگاتسياسى جۇيەسىن ەنگىزۋ، ۇشقىشسىز ۇشۋ كەشەندەرىن شىعارۋ جانە جاساۋعا ءبىرىڭعاي تالاپتاردى بەلگىلەۋ، ولارعا قىزمەت كورسەتەتىن جانە قولداناتىن مامانداردى دايارلاۋ، قارۋلى كۇشتەر، باسقا دا اسكەرلەر مەن اسكەري قۇرىلىمداردىڭ بايلانىس قۇرالدارىن دامىتۋ، سونداي-اق كاسپي تەڭىزىندەگى جاعالىق ينفراقۇرىلىمدى جەتىلدىرۋ بويىنشا قازاقستان رەسپۋبليكاسى پرەزيدەنتىنىڭ - قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسىنىڭ تاپسىرمالارىن ىسكە اسىرۋ ءۇشىن ءبىرىڭعاي تاسىلدەر ازىرلەندى.
ۆەدومستۆوارالىق كوميسسيا جۇمىسىنىڭ قورىتىندىسى بويىنشا مەملەكەتتىك ورگانداردىڭ قىزىعۋشىلىعىن تۋدىرعان ۇسىنىستار كەڭەستەر پىسىقتالدى.
ايتا كەتكەن ءجون، ق ر قاۋىپسىزدىك كەڭەسىنىڭ ۆەدومستۆوارالىق كوميسسياسى ق ر قاۋىپسىزدىك كەڭەسىنىڭ قىزمەتىن قامتاماسىز ەتۋ ماقساتىندا قۇرىلعان كونسۋلتاتيۆتىك-كەڭەسشى ورگان.
كوميسسيا وتىرىسى جۇمىس جوسپارىنا سايكەس جىلىنا ەكى رەت وتكىزىلەدى. وندا مەملەكەتتىك اسكەري ۇيىمدارىنىڭ بولاشاقتاعى دامۋى مەن ماسەلەلەرى قاراستىرىلادى.