ۇكىمەت باسشىسى: قۇرىلىس ماتەريالدارىن شىعاراتىن ءوندىرىستى بارلىق وڭىردە اشۋ كەرەك
«ۇكىمەتتىڭ كەڭەيتىلگەن وتىرىسىندا ەلباسى قۇرىلىستاعى وتاندىق ۇلەستى ۇلعايتۋ مىندەتىن قويدى. وتاندىق قۇرىلىس ماتەريالىن شىعارۋ - «قاراپايىم زاتتار ەكونوميكاسى» باعدارلاماسىنىڭ ارنايى باعىتى. ونىڭ ورىندالۋىنا 600 ميلليارد تەڭگە كولەمىندە قاراجات ءبولىنىپ وتىر»، - دەدى ۇكىمەت باسشىسى.
پرەمەر- ءمينيستردىڭ ايتۋىنشا، ول ءۇشىن جەڭىلدىكپەن قارجىلاندىرۋ بويىنشا مەملەكەتتىك قولداۋ شارالارى كوزدەلگەن.
«وسى باعىتتا جاڭا جوبالاردى دامىتۋ كەرەك. جەرگىلىكتى ءونىمدى پايدالانۋ ەكونوميكانىڭ باسقا سالالارىنا مۋلتيپليكاتيۆتى اسەر ەتەدى، جۇمىس ورىندارىن قۇرۋعا مۇمكىندىك بەرەدى»، - دەدى پرەمەر- مينيستر.
وسى ورايدا ول قازىرگى ۋاقىتتا تۇركىستان قالاسىندا اۋقىمدى قۇرىلىس ءجۇرىپ جاتقانىن ەسكە سالدى.
«وسى جەردە قۇرىلىس ماتەريالدارىن شىعارۋ بويىنشا جوبالاردى جۇزەگە اسىرۋ قاجەت. ءبىز بۇل ماسەلەنى ءومىرزاق ەستاي ۇلىمەن (تۇركىستان وبلىسىنىڭ اكىمى - اۆت.) تالقىلادىق. جالپى، وسىنداي وندىرىستەردى بارلىق وڭىرلەردە ۇيىمداستىرۋ قاجەت. باقىلاۋ جەڭىس ماحمۇد ۇلىنا جۇكتەلەدى»، - دەدى ا. مامين ورىنباسارى جەڭىس قاسىمبەككە قاراتا.
اۆتور: مارلان جيەمباي